स२६ असोज/अर्थ र व्यापार– सरकारले महँगा गाडी र मदिरा आयात लगाएको प्रतिबन्ध खुला गरेको छ ।
असोज २२ गते बसेको मन्त्रिपरिषद् बैठकले ५० हजार डलर बढी मूल्यको सवारी साधन तथा तयारी मदिरा आयातमा लगाएको प्रतिबन्ध हटाएको हो ।
यसअघि सरकारले कोरोना नियन्त्रणका लागि लकडाउन गरेसँगै चैत २४ गते राजपत्रमा सूचना प्रकाशित गरी तयारी मदिराको आयातमा रोक लगाइएको थियो ।
सरकारका प्रवक्ता एवं परराष्ट्रमन्त्री प्रदीप ज्ञवालीले ५० हजार डलरभन्दा बढीका सवारी आयातमा बन्देज लगाउँदा कुटनीतिक नियोग, कुटनीतिक सुविधा प्राप्त संघ संस्था र विदेशी कर्मचारीहरुलाई कठिनाई परेकाले फुकुवा गरिएको बताए ।
कुटनीतिक नियोग, कुटनीतिक सुविधा प्राप्त संघ संस्था र विदेशी कर्मचारीहरुले नीजि प्रयोगका लागि बढी मूल्यका सवारी प्रयोग गर्नेभएकोले सरकारले महंगा गाडीको आयात खुला गरेको हो ।
तपाईको प्रतिक्रिया