१८ असार/अर्थ र व्यापार– अर्थ मन्त्रालयले मध्यावधी निर्वाचन २०७८ का लागि ७ अर्ब ७२ करोड ८३ लाख रुपैयाँ विनियोजन गरेको छ ।

प्रधानमन्त्री केपी शर्मा ओलीले दोस्रो पटक संसद विघटन गरी मध्यावधी चुनाव घोषणा गरेपछि अर्थ मन्त्रालयले ७ अर्ब ७२ करोड ८३ लाख रुपैयाँ प्रतिनिधि सभा सदस्य निर्वाचन २०७८ को सञ्चालन र व्यवस्थापनको लागि निर्वाचन आयोगलाई दिएको हो ।

विनियोजित रकम निर्वाचन आयोगले चुनावी ब्यवस्थापन तथा निर्वाचन सामाग्री लगायत अन्य सामाग्रीहरु खरिदमा खर्च गर्नेछ ।

२०७८ साल कार्तिक २६ गते शुक्रबार पहिलो चरण र मङ्सिर ३ गते शुक्रबार दोस्रो चरण गरी दुई चरणमा सम्पन्न हुने प्रतिनिधि सभा सदस्य निर्वाचनका लागि आवश्यक पर्ने रकमको कुनै अभाव हुन नदिने गरी अर्थ मन्त्रालयले उक्त सहमति दिएको हो ।