नयाँ सरकार गठन र पार्टी एकताको छलफल आज हुने
११ पुस / अर्थ र व्यापार - नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ दिउँसो ३ बजे मात्र काठमाडौं फर्कने भएका छन् । गत शुक्रबार चितवन प्रस्थान गरेका ‘प्रचण्ड’ उतैका साना तिना कार्यक्रममा अल्झिएका थिए । नेकपा एमाले र नेकपा माओवादी केन्द्रबीच एकताका लागि गठित एकता संयोजन समितिको गत शनिबार बस्ने भनिएको बैठक प्रचण्डको अनुपस्थितिमा अझै बस्न सकेको छैन ।
निर्वाचनपछि एकपटक पनि दुई पार्टीको बैठक बसेको छैन । ‘प्रचण्ड’ले चितवनबाट फर्किए लगत्तै नेकपा एमालेका अध्यक्ष केपी शर्मा ओलीसँग ‘वान टू वान’ छलफल गर्ने कार्यक्रम छ । ‘प्रचण्ड’का प्रेस संयोजक मनहरी तिमल्सिनाले ओलीसँगको छलफलपछि मात्र पार्टी एकता संयोजन समितिको बैठकबारे टुङ्गो लाग्ने बताए ।
‘प्रचण्ड’ले राजधानी बाहिर रहँदा दिएका अभिव्यक्तिका कारण एमालेभित्र संशय पैदा भएको छ। ‘प्रचण्ड’ले चितवनमा सरकारमा आलोपालो नेतृत्वको सहमति भएको बताएका थिए। त्यस्तै, राष्ट्रिय सभामा कांग्रेसको आवश्यकता रहेको बताउँदै एकल संक्रमणीय निर्वाचन प्रणालीमा लचकता देखाएका थिए । प्रचण्ड रओलीबीच आज हुने बैठक सर्वा्धिक चासोको साथ हेरिएको छ ।
एमाले र माओवादीका कतिपय नेताले पार्टी एकतामा कुनै समस्या नरहेको बताएका छन्। केही दिनमै गठबन्धन सरकार र दुई पार्टीबीच एकताको खाका बाहिर आउने उनीहरूले दाबी गरेका छन् । कतिपय नेताले भने दुवै पार्टीको शीर्ष नेतृत्व एकअर्कासँग टाढिइसकेको र संयुक्त सरकार तथा पार्टी एकताको सम्भावना पनि टाढिँदै गएको टिप्पणी गरेका छन् । दाहाल मंगलबार चितवनबाट काठमाडौं फर्केपछि बस्ने भनिएको दुई पार्टी संयोजन समिति बैठकले यी अड्कलबाजीबारे थप संकेत गर्नेछ । उनले सरकार गठन र पार्टी एकतामा आफूलाई सजिलो होस् भनेर एमालेमाथि दबाब बढाउन मात्र यसरी बाहिर बोलेका हुन् वा एमालेसँग बाटो अलग गर्ने पृष्ठभूमि तयार पार्न खोजेका हुन् भन्ने प्रस्ट हुनेछ ।
एमाले नेता विष्णु रिमालले दाहाल काठमाडौं फर्किएपछि दुई शीर्ष नेताबीच आजै छलफल हुने सम्भावना रहेको बताए ।
सम्बन्धित शीर्षकहरु
मुख्य खबर
सुरक्षाको प्रत्याभुति गर्न नपाएको निजी क्षेत्रको भनाई
निजी क्षेत्रका अगुवाहरुले सुरक्षाको प्रत्याभुति गर्न नपाएको गुनासो गरेका छन् । बैंक तथा वित्तीय संस्था परिसंघ नेपाल (सिबिफिन) को वार्षिक साधारणसभामा बोल्दै उनीहरुले जेनजी आन्दोलनबाट त्रसित निजी क्षेत्रलाई
नवनियुक्त आईजीपीको पहिलो निर्णय, वरिष्ठ सईसम्मलाई २ लाखको आकस्मिक कर्जा
नवनियुक्त प्रहरी महानिरीक्षक (आईजीपी) दानबहादुर कार्कीले वरिष्ठ प्रहरी नायब निरीक्षक (सई) सम्मको दर्जाका प्रहरीको सहुलियत कर्जा बढाउने निर्णय गरेका छन् । आईजीपीको दज्र्यानी चिन्ह प्राप्त गरेपछि
नेपालमा जस्तो अवसर र सम्भावना कतै देख्दिन : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले आँफूले नेपालमा जताततै सम्भावना र अवसरहरु मात्र देख्ने बताएका छन् । अमेरिकाको टेक्ससमा शनिबार आयोजित हिमालयन कन्क्लेभमा धारणा राख्दै उनले
पर्यटन व्यवसायी अंगाईले गरे पुनर्निर्माण कोषमा १ लाख सहयोग
युवा पर्यटन व्यवसायी तथा आर्यतारा होल्डिङसका अध्यक्ष नवराज अंगाईले सरकारले सुरु गरेको भौतिक पूर्वाधार पुनर्निर्माण कोषमा १ लाख रुपैयाँ सहयोग गरेका छन् । जेनजी आन्दोलनको क्रममा तोडफोड र आगजनी
मनोरञ्जन
रियालिटी शो ‘एक्टिङ स्टार’ कलाकार बन्ने र सिनेमा खेल्ने अवसर
रियालिटी शो ‘एक्टिङ स्टार’को केहि महिना अघि डिजिटल अडिसनको आव्हान गरिएको थियो । डिजिटल अडिसन मार्फत हालसम्म कलाकार बन्न चाहने ५०० भन्दा बढीले भिडियो खिचेर पठाएको कार्यक्रम निर्माण कम्पनी महक मिडिया नेटवर्कले जानकारी गराएको छ ।
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
तपाईको प्रतिक्रिया