१८ पुस / अर्थ र व्यापार - धुलिखेल । आइतबार देखी स्थानिय बासीले बन्द गरेको सडक खुलाउन प्रहरीलाई ६ सेल अश्रुग्यास प्रयोग गरेको छ । वीपी राजमार्गअन्तर्गत काभ्रेको धुलिखेल नगरपालिका पात्लेखेतमा स्थानीयबासीले अवरुद्ध गरेपछि बन्द गर्ने भिडलाई नियन्त्रमा लिन प्रहरीले अश्रुग्यास प्रयोग गर्नुपरेको प्रहरीको दावी छ ।

बा ३ ख ५९५५ नम्बरको बसबाट खसेर नमोबुद्ध नगरपालिका १ की फुलमाया तामाङको आइतबार मृत्यु भएपछि उनका आफन्त र स्थानीयबासीले मंगलबार विहानदेखि सडक अवरुद्ध पारेका थिए । सडक खुलाउने क्रममा प्रहरी र स्थानीयबीच केहि समय झडपसमेत भएको थियो ।
स्थिति नियन्त्रणमा लिन ६ सेल अश्रुग्यास प्रयोग गर्नु परेको जिल्ला प्रहरी कार्यालय काभ्रेका प्रमुख सहकुलबहादुर थापाले जानकारी दिए ।