१८ असोज/अर्थ र व्यापार– प्रदेश ५ को स्थायी राजधानी रुपन्देहीलाई कायम गर्न माग गर्दै उद्योगी, व्यवसायी र सर्वसाधारणले बुटवलमा प्रदर्शन गरेका छन् ।
प्रदेश ५ को स्थायी राजधानी दाङको भालुवाङ सार्ने प्रस्तावको विरोधमा बुटवलमा प्रदर्शन गरेको हो ।
जिल्ला प्रशासन कार्यालयले घोषणा गरेको निषेधित क्षेत्रमा बुटवलका दुई दर्जन भन्दाबढी व्यवसायिक संस्थाहरुले प्रदर्शन भएको हो ।
जिल्ला प्रशासन कार्यालयले ५ जनाभन्दा बढी भेला हुन नपाउने गरी ४ दिनको लागि विभिन्न क्षेत्रमा निषेधाज्ञ जारी गरेको छ ।
निषेधाज्ञका बावजुत बुटवल राजमार्ग चौराहाबाट सुरु भएको विरोध प्रदर्शन ट्राफिक चोकमा पुगेर कोणसभामा परिणत भएको थियो ।
कोरोना महामारीको असहज परिस्थितिको मौका छोपेर मुख्यमन्त्री शंकर पोखरेलको स्वार्थमा राजधानी दाङ सार्ने प्रयास भएको प्रदर्शनकारीहरुले बताएका छन् ।
कोणसभामा बोल्ने वक्ताहरुले स्थायी राजधानी दाङको भालुवाङ सार्ने प्रस्तावको विपक्षमा मतदान गर्न सांसदहरुलाइृ आग्रह गरेका छन् । उनीहरुले पर्याप्त पूर्वाधार बनिसकेकाले रुपन्देहीको बुटवल नै प्रदेश राजधानीको लागि उपयुक्त रहेको भन्दै सांसंदहरुलाई प्रस्तावको विपक्षमा मतदान गर्न आग्रह गरेका छन् ।
कोणसभामा बुटवल उद्योग वाणिज्य संघका अध्यक्ष खिमबहादुर हमाल, नेपाल उद्योग परिसंघका प्रदेश ५ अध्यक्ष एजाज आलम, रुपन्देही उद्योग संघका कार्यवाहक अध्यक्ष माधव पौडेल, होटल तथा रेष्टुरेन्ट व्यवसायी संघका अध्यक्ष समुन्द जिसी लगाएतले स्थायी राजधानी दाङको भालुवाङ सार्ने प्रस्तावको विरोधमा अभिव्यक्ति दिएका थिए ।
राजधानी दाङ सार्ने प्रस्तावको विरोधमा कांग्रेसले आहृवान गरेको रुपन्देही बन्दका कारण मुख्य राजमार्गहरुमा सार्वजनिक यातायातका साधन चलेका छैनन् ।
तपाईको प्रतिक्रिया