१४ असार/अर्थ र व्यापार– पाँच विद्याथी संगठनले संसद पुनस्र्थापनाको माग गर्दै असार १६ गते देशैभर संयुक्त प्रदर्शन गर्ने भएका छन् ।  

नेपाल विद्यार्थी संघ, अखिल (क्रान्तिकारी), अनेरास्वयू, समाजवादी विद्यार्थी यूनियन र अखिल छैटौं सहितका पाँच विद्यार्थी संगठनको आज बसेको बैठकले असार १६ गते देशैभर संयुक्त प्रदर्शन गर्ने निर्णय गरेको विज्ञप्तिमार्फत् जनाइएको छ । 

विज्ञप्तिमा पाँच विद्यार्थी संगठनले सर्वोच्च अदालतले विधिको शासन र संसदबाट सरकार निर्माण गर्ने अधिकारलाई सुरक्षित गर्न संसदको पुनःस्थापना गर्ने विश्वास रहेको उल्लेख छ ।

विज्ञप्ति मार्फत पाँच विद्यार्थी संगठनले महामारीको समयमा पटक–पटक पेट्रोलियम पदार्थमा गरिएको मुल्यबृद्धी, कालावजारी र कोभिड बिरुद्धको स्वास्थ्य सामाग्री खरिदमा भएको भ्रष्टचार तथा अनियमितता प्रति पनि सरकारको ध्यानकर्षण गराएको छ ।

साथै, लकडाउन अवधिको सम्पूर्ण शुल्क राज्यले बहन गर्न तथा निजी शैक्षिक संस्थालाई मनपरी शुल्क अशुल नगर्न चेतावनी समेत दिएको छ ।