१७ फागुन/अर्थ र व्यापार – प्रमुख प्रतिपक्षी दल नेकपा (एमाले)का अध्यक्ष तथा पूर्व प्रधानमन्त्री केपी शर्मा ओलीले वर्तमान गठबन्धनको सरकार औचित्यहीन भएकाले ताजा जनादेशमा जानुपर्ने भन्दै तत्काल विघटन हुनुपर्ने बताएका छन् । उनले वर्तमान ‘परमादेशी’ सरकार असंवैधानिक भएको पनि बताए ।
नेकपा एमालेद्धारा मंगलबार काठमाडौंमा आयोजित पत्रकार सम्मेलनमा ओलीले यस्तो बताएका हुन । उनले वर्तमान सत्ता गठबन्धन अवैध तरिकाले बनेको भन्दै तत्काल विघटन हुनुपर्ने जिकिर गरे ।
‘ यो अवैध सम्बन्धबाट झाडीमा जन्मिएको सरकार हो । यो तत्काल विघटन हुनुपर्दछ । हामीले भनेका छौँ । भावनात्मक रूपमा लोकतन्त्र स्वीकार नगरेका शक्तिहरू सरकारमा छन् । त्यसकारण यस्तो औचित्यहिन असंवैधानिक सरकार ढल्नुपर्छ ’ ओलीले भने ।
यसैगरि, उनले एमालेले पहिल्यै सरकार बन्न नदिन खोजेको भन्दै गठबन्धन ढाल्ने भन्ने कुरा कुनै नौलो नभएको बताए । ‘नेकपा एमालेले ढाल्न खोज्यो, गठबन्धन स्वीकार गरेन भन्नु नयाँ कुरा होइन । किनकि, आजको जनादेश होइन । हामीले ताजा जनादेशमा जाऔँ भनेका छौैँ । लोकतन्त्रमा ताजा जनादेशमा अघि जाने अधिकार छ ’उनले भने ।
तपाईको प्रतिक्रिया