logo

एमालेको महाधिवेशनले सौराहाका तीनसय होटलका ३५०० भन्दाबढी कोठा भरिए , झन्डै ३७ करोड रुपैयाँ खर्च 

    807   पटक पढिएको

१२ मंसिर /अर्थ र व्यापार – नेपाल कम्युनिष्ट पार्टी एमालेको १० औं महाधिवेशनले चितवनको सौराहाका तीनसय होटलका करिब ३५०० भन्दा बढी कोठा भरिभराउ भएका छन । महाधिवेशनमा सहभागी नेता, कार्यकर्ता, अतिथिहरु र संचारकर्मी तथा अन्य पाहुनाहरुलाई खाना, बास र यातायात गरि झन्डै ३७ करोड रुपैयाँ खर्च हुने अनुमान गरिएको छ । 
नयाँ नेतृत्व चयन सहित १० औं महाधिवेशनलाई भब्यताकासाथ सम्पन्न गराउन पर्यटकीय नगरी चितवन पुगेको नेकपा एमाले अहिले आफ्नो महाधिवेशनमा व्यस्त छ । गत शुक्रबार उद्घाटन भएको महाधिवेशनमा नेकपा एमालेले विदेशी राजनीतिक दलका नेता, नेपाली प्रमुख राजनीतिक दलका नेता र हजारौं कार्यकर्ताको सहभागिता छ । अहिले उनीहरुले १०औं महाधिवेशन भव्यताका साथ सम्पन्न गर्न लागेका छन । जसकालागि अहिलेसम्म चितवनमै महाधिवेशनको बन्दसत्र जारी छ ।
कम्युनिष्ट पार्टी नेकपा एमाले महाधिवेशनको राजकीय तामझाम र हजारौं कार्यकर्ताको सहभागिताले महाधिवेशनमा ठूलै धनराशी खर्च भएको अनुमान लगाउन सकिन्छ ।
नेकपा एमालेको १०औं महाधिवेशनका लागि आयोजित पत्रकार सम्मेलनमा पार्टीले महाधिवेशनमा ७ करोड ५० लाख रुपैयाँ खर्च हुने प्रक्षेपण गरेको थियो । पत्रकार सम्मेलनमा साढे ७ करोड रुपैयाँ मात्रै खर्च हुने बताएको एमालेले महाधिवेशनमा उल्लेख्य खर्च भएको महाधिवेशनको तामझम र सहभागीहरुको संख्याले अनुमान लगाउन सकिन्छ ।
महाधिवेशन आर्थिक कमिटीका संयोजक बिष्णु रिमालका अनुसार नवौं महाधिवेशन भन्दा १०औं महाधिवेशनमा तीन करोड बढी खर्च हुने प्रक्षेपण थियो । ‘नवौं महाधिवेशनमा ४ करोड ५० लाख खर्च गरेको एमालेले १०औं महाधिवेशनमा ७ करोड ५० लाख रुपैयाँ मात्रै खर्च गर्ने उनको भनाई थियो ।
तर, एमालेको हिसाव महाधिवेशनमा फेल हुन पुग्यो । परिणाम स्वरुप प्रक्ष्येपण गरेको खर्चभन्दा ५ गुणा बढी खर्च एमालेले महाधिवेशनमा गरेको छ ।
होटल संघ चितवनका अनुसार एमालेको कार्यकर्ताकै लागि ३०० सयवटा होटलका ३५ सय कोठा बुक भएका छन् । यी कोठाहरु एक सातासम्मका लागि बुक भएको संघको भनाई छ ।
संघका अनुसार एक दिनको एक कोठाको ५ सय रुपैयाँ तोकिएको छ । तर, कतिपय होटलमा भने ५ सयभन्दा बढी पनि तोकिएको छ । तर, औसतमा ५ सय नै लिन सकिन्छ ।
एक कोठाको ५ सय रुपैयाँको हिसाव गर्दा पनि ७ दिनसम्म ३५ सय कोठाको भाडा १ करोड २२ लाख ५० हजार रुपैयाँ हुन आउँछ । १०औं महाधिवेशनका लागि २१७५ जना महाधिवेशन प्रतिनिधि छनोट भएका छन् । २१७५ जनाका कम्तिमा ४ जना कार्यकताहरु महाधिवेशनमा उपस्थित छन् ।
चितवनमा एक सातासम्म कम्तिमा ८ हजार ७ सय जना सहभागी हुनेछन् । होटल संघ चितवनका अनुसार एक नन भेज खानाको २ सय रुपैयाँ तोकिएको छ । दिनको २ पटकको खानाको हिसाव गर्दा पनि एक सातासम्म ८ हजार ७ सय जनाको खाना खर्च २ करोड ४३ लाख ६० हजार रुपैयाँ हुन आउँछ । जुन न्यूनतम मात्रै खर्च हो । माथिको गरिएको हिसाव भेज खाना र कोठा भाडाको मात्रै जोडिएको हो । यसैगरि, नेकपा एमालेले महाधिवेशनमा ५ लाख कार्यकर्ता तथा मानिसहरुको सहभागिता भएको दावी गरेको छ । पार्टीले यसअघि नै पत्रकार सम्मेलन गरेर सहभागी सबैलाई बिहान र साँझ खाना खुबाउने घोषणा गरेको थियो ।
५ लाख कार्यकर्तालाई होटलमा खाना खुवाए पनि दुई पटकको ५ लाख कार्यकर्ताको खाना खर्च मात्रै २० करोड रुपैयाँ बढी हुन आउँछ । यो सँगै एमालेले ५ हजार गाडी बुक गरेर चितवन पु¥याएको दावी गरेको छ । एउटा गाडीको औसत भाडा २० हजार रुपैयाँ जोड्दा पनि ५ हजार गाडीको १० करोड रुपैयाँ हुन जान्छ । यो सँगै एमालेले मञ्चका लागि ५० लाख, मस्कटमा ३ लाख ५० हजार र झण्डा बनाउनका लागि २० लाख रुपैयाँ खर्च भएको जनाएको छ ।
यसरी औसतमा हिसाव गर्दा पनि एमालेले १०औं महाधिवेशनमा न्यूनतम ३६ करोड ३६ लाख रुपैयाँ खर्च गरेको देखिन्छ । जुन भेज खाना, कोठा र यातायात खर्च मात्रै हो । हालै नविकरण भएका ८ लाख ५५ हजार ४ सय ५३ सदस्यलाई १–१ सय रुपैयाँ सहयोग गर्न आह्वान गरेको गरेको थियो । एमालेको महाधिवेशन उद्घाटन सत्रकालागि नारायणी नदि किनारमा तयार पारिएको मञ्च निर्माणकालागि मात्र ५० लाख रुपैयाँ खर्च गरिएको थियो ।  

तपाईको प्रतिक्रिया

सम्बन्धित शीर्षकहरु

मुख्य खबर

सरकारले ल्यायो १८ खर्ब ६० अर्ब ३० करोड बजेट

सरकारले आगामी आर्थिक वर्ष २०८१/८२ कालागि कुल १८ खर्ब ६० अर्ब ३० करोड रुपैयाँको बजेट सार्वजनिक गरेको छ ।

मन्त्रिपरिषद्बाट १६ औं पञ्चवर्षीय योजना पारित, दिउँसो ३ बजे राष्ट्रपति पौडेलले आगामी वर्षको नीति तथा कार्यक्रम प्रस्तुत गर्ने

सरकारले १६औं पञ्चवर्षीय योजना पारित गरेको छ । मंगलबार सिंहदरबारमा बसेको मन्त्रिपरिषद्को बैठकले १६ औं पञ्चवर्षीय योजना पारित गरेको हो ।

काठमाडौं आइपुगे कतारका राजा, राष्ट्रपति रामचन्द्र पौडेलले गरे भव्य स्वागत

कतारका राजा अमिर शेख तमिम बिन हमाद अल थानी काठमाडौं आइपुगेका छन् । उनी आफ्नो निजी विमानमा मंगलबार दिउँसो ३ः३५ बजे काठमाडौको त्रिभुवन अन्तर्राष्ट्रिय विमानस्थलमा अवतरण गरेका हुन् ।

नागढुंगा–सिस्ने खोला मुख्य सुरुङमार्गमा ब्रेक थ्रु , प्रधानमन्त्रीले स्वीच थिचेर सुरुङ छिचोलिएको घोषणा गरे

नागढुंगा–सिस्ने खोला मुख्य सुरुङमार्ग निर्माणको काम सोमबार वारपार छिचोलिएर ब्रेक थ्रु भएको छ । यस ठाउँको मुख्य सुरुङ सँगैको आपतकालीन सुरुङ भने गत २२ साउनमै छिचोलिएको थियो ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।