१२ साउन/अर्थ र व्यापार– अर्थमन्त्री जनार्दन शर्मा र नेपालका लागि अमेरिकी राजदुत र्यान्डी बेरीबीच मंगलबार भएको शिष्टाचार भेटमा द्धिपक्षिय सहयोगको विषयमा छलफल भएको छ ।

भेटमा अर्थमन्त्री शर्माले कोभिड विरुद्धको खोप आपूर्तिमा अमेरिकी सरकारबाट थप सहयोग र सहजीकरणको अपेक्षा गरेको बताए । उनले अमेरिकी सरकारको सहयोगमा नेपालमा संचालित परियोजनाहरुको कार्यान्वयनमा अनुगमन गरी तदारुकता दिन सरकारले ध्यान पुर्याउने प्रतिवद्धता पनि व्यक्त गरेका छन् ।

अर्थमन्त्री शर्मासंगको भेटमा राजदुत बेरीले विगत ७० वर्षदेखि अमेरिकाले नेपालको स्वास्थ्य र शिक्षाको क्षेत्रमा सहयोग गर्दै आएको बताउदै कोभिड विरुद्धको लडाईंमा अमेरिका नेपालको साथमा रहेको बताए ।

राजदुत बेरीले कोभिड विरुद्धको खोप अभियानमा नेपाललाई सघाउन अमेरिकाले आगामी दिनमा पनि आवश्यक सहयोग गर्नेतर्फ सकारात्मक रहेको बताए ।