३ साउन/अर्थ र व्यापार– सरकारले संसदीय प्रक्रिया छलेर राजदूत नियुक्ति गरेको भन्दै ११ मुलुकमा गरेको राजदूत नियुक्ति खारेज गरेको छ ।

शुक्रबार बसेको मन्त्रिपरिषद् बैठकले केपी शर्मा ओली नेतृत्वको सरकारले संसदीय प्रक्रिया छलेर विभिन्न ११ मुलुकमा गरेको राजदूत नियुक्ति खारेज गरेको हो ।

यसअघि केपी शर्मा ओली नेतृत्वको सरकारले संसदीय प्रक्रिया छलेर मन्त्रिपरिषद्बाट गरिएका सबै निर्णय खारेज गरेको हो ।
प्रतिनिधि सभा विघटनको अवस्थामा ओली नेतृत्वको सरकारले डेनमार्कका लागि सुमित्रा सुवेदी, रसियाका लागि जंगबहादुर चुहान, अष्ट्रेलियाका लागि सुम्निमा तुलाधार, म्यानमारका लागि नारायणप्रसाद संग्रौला, अस्ट्रियाका लागि निर्मलराज काफ्ले, श्रीलंकाका लागि रमेशचन्द्र पौडेल, ब्राजिलका लागि कुलप्रसाद नेपाल, साउदी अरेवियाका लागि मेराज मुसलमान, दक्षिण कोरियाका लागि कृष्णचन्द्र शर्मा र इजिप्टका लागि जीवनप्रकाश श्रेष्ठलाई राजदूत नियुक्त गरेको थियो । बहराइनका लागि राजदूत नियुक्त गरेका युवराज कार्कीको योग्यता नपुगेको भन्दै सर्वोच्चले नियुक्ति खारेज गरेको थियो ।

कानुन मन्त्री ज्ञानेन्द्र कार्कीका अनुसार आजनै पुनर्स्थापित प्रतिनिधि सभाको पहिलो बैठकमा प्रधानमन्त्री शेरबहादुर देउवाले विश्वासको मत लिने तयारी गरेको छ ।