१६ कात्तिक/अर्थ र व्यापार– विश्व बैंकले नेपालको नेपालको कृषि क्षेत्रको विकास र अर्थतन्त्रमा कोरोना महामारीको प्रभाव न्यूनीकरणका लागि लगानी गर्ने भएको छ । 

विश्व बैंकको बोर्ड बैठकले ९ अर्ब ४४ करोड रुपैयाँ बराबरको ‘ग्रामीण उद्यम तथा आर्थिक विकास परियोजना’ स्वीकृत गरेको हो ।

कृषिका माध्यमबाट महिला उद्यमशीलताको विकास र कोभिड–१९ ले पारेको आर्थिक असर न्यूनीकरण तथा स्थानीय तहमा रोजगारी सृजना गर्नेमा परियोजना केन्द्रित गरिनेछ ।

नेपालका लागि विश्व बैंकका देशीय निर्देशक फारिस हदाद जार्भाेसले ऋण स्वीकृतिबारे जानकारी दिँदै यो परियोजनाको कार्यान्वयन सरकार र निजीक्षेत्रको सहकार्यमा हुने बताएका छन् । परियोजनाबाट चिया, कफी, फलपूmल तथा जडीबुटीको बजारीकरण तथा कोभिड–१९ को असर न्यूनीकरणमा सघाउ पुग्ने उनको भनाइ छ ।

 प्रदेश १, २, बागमती, गण्डकी, लुम्बिनी र सुदूरपश्चिम प्रदेशमा सञ्चालन हुने परियोजनाले मुख्यतः ग्रामीण अर्थतन्त्रको विविधीकरण र यसको बजार विस्तारमा महत्वपुर्ण हुने विश्व बैंकको अपेक्षा छ ।

अर्थ मन्त्रालयका अनुसार विश्व बैंकले परियोजना कार्यान्वयन ढाँचा स्वीकृत गरेपछि मन्त्रिपरिषद्बाट ऋण स्वीकार गर्ने निर्णय हुनेछ । यससँगै कार्यान्वयनको प्रक्रिया थालनी हुनेछ ।

हाल नेपालमा विश्व बैंकको सहयोगमा २४ ओटा परियोजना सञ्चालित छन्, जसका लागि ३ अर्ब डलरको सहयोग रहेको बैंकले जनाएको छ ।