भाषा परिक्षा पास भएर बसेकाहरुले ईपीएस कोरिया शाखामा दिए धर्ना

472 पटक पढिएको

२२ बैशाख/अर्थ र व्यापार – भाषा परीक्षा पास गरेका बसेकाहरूले दक्षिण कोरिया जान पाउनुपर्ने माग राखेर ललितपुरको ग्वार्कोस्थित वैदेशिक रोजगार विभाग अन्तर्गत ईपीएस कोरिया शाखामा धर्ना दिएका छन् ।
भाषा परीक्षा पास गरेको १८ महिना बितिसक्दा पनि अझै आफूहरू दक्षिण कोरिया जान नपाएको भन्दै उनीहरूले तीन दिनदेखि ईपीएस कोरिया शाखा कार्यालय अगाडि धर्ना दिएका हुन् ।
धर्नामा बसेकाहरुले आफुहरुले भाषा परीक्षा पास गरेर बसेको १८ महिना बितिसक्दापनि अझै दक्षिण कोरिया जान नपाएपछि बाध्य भएर सरकारलाई दबाब दिन ईपीएस करिया शाखा कार्यालयमा धर्ना दिनुपरेको बताए । अहिलेसम्म आफुहरु कोरिया जान नपाएका कारण अब २ वर्षको रोस्टर अवधि नै समाप्त हुने त्रासले यसरी धर्नामा बस्नुपरेको बताएका छन् । अबको बाँकी समयमा पनि जान पाइन भने त्यतिधेरै मेहेनत गरेर भाषा परिक्षा पास भएरपनि आफुहरुको भविष्य थप अन्योलमा पर्ने चिन्ता बढेको उनीहरुको भनाई छ ।

उनीहरुका अनुसार दक्षिण कोरियामा पानीजहाज बनाउने (सिप बिल्डिङ) कामका लागि भाषा परीक्षा उत्तीर्ण गरेर बसेकाहरू मध्ये करिब ४ सय जना मात्रै कोरिया गएका छन् ।
झन्डै ३ हजार भन्दा बढी अझै दक्षिण कोरिया जान बाँकी रहेको र उनीहरूको रोस्टर अवधि सकिन केही महिनामात्र बाँकी रहेको धर्नामा बसेकाहरुको गुनासो छ ।
सिप बिल्डिङ क्षेत्रमा जान नपाए सेक्टर परिवर्तन गरेर भए पनि कोरिया पठाउनु पर्ने माग आफूहरूको रहेको उनीहरुको भनाई छ ।

तपाईको प्रतिक्रिया

सम्बन्धित शीर्षकहरु

वार्षिक एकसय कामदार नपठाएका म्यानपावरको नवीकरण सुरु

कोरियन भाषा परीक्षाको आवेदन खुल्यो, यसवर्ष ५ हजार ३ सय जना प्रशिक्षार्थी कामदार लैजाने

विभागले ओरिएन्टेशन सेन्टरहरूसँग स्पष्टीकरण माग्यो

यूएईमा नेपाली कामदारको न्यूनतम तलब बढ्यो, मासिक १ हजार दिराम भन्दा माथि

इजरायलबाट स्वदेश फर्किन इच्छुक नेपालीको उद्धार गर्न नामावली संकलन सुरु

आवेदन दिएकै दिन श्रम स्वीकृति प्रदान गरिने

संघद्धारा वैदेशिक रोजगारीका समस्याबारे विभागका महानिर्देशक भट्टराईको ध्यानाकर्षण