३१ असार / अर्थ र व्यापार- हिजो असार ३० गते सम्पन्न निर्वाचन वाट नेपाल वैदेशिक रोजगार व्यवसायी संघको अध्यक्षमा रोहन गुरुङ विजयी भएका छन् । अध्यक्षका अर्का प्रत्याशी विमल ढकाललाई हराउँदै अध्यक्षमा गुरुङ विजयी भएका हुन् । गुरुङले ४ सय ३४ मत पाए भने ढकालले ३ सय ४१ मत मात्र ल्याए । गुरुङलाई एमाले र माओवाद केन्द्र समर्थित व्यवसायीको साथ थियो भने ढकाललाई कांग्रेस समर्थित व्यवसायहरुके साथ थियो ।

त्यसैगरी प्रथम उपाध्यक्षमा गुरुङ प्यानलका राम प्रसाद भान्तना ४९६ मत ल्याएर  विजयी भ एभने द्धितिय उपाध्यक्षमा ढकाल प्यानलका भुवन गुरुङले ४०७ मतका साथ विजयी भए । त्यस्तै तृतिय उपाध्यक्ष पदमा गुरुङ प्यानलबाट शुक्र पाख्रिन ४३२ मत ल्याएर विजयी हुँदा महासचिवमा पनि गुरुङ प्यानलकै नरेश गेलाल ४४९ मतका साथ विजयी भए । त्यस्तै सचिव पदमा इश्वर जिसी ४०० मतका साथ गुरुङ प्यानलबाट विजयी भए भने कोषाध्यक्षमा भने राधिका कटुवाल ४०४ मतका साथ ढकाल प्यानल वाट विजयी भईन ।