५ असोज/अर्थ र व्यापार– कतारका लागि नेपाली राजदूत नारद भारद्वाजले कतारमा अलपत्र १६ हजार नेपाली श्रमिक स्वदेश फर्किने प्रतीक्षामा रहेको बताएका छन् ।
सोमबार प्रतिनिधिसभाको उद्योग तथा वाणिज्य र श्रम तथा उपभोक्ता हित समितिको बैठकमा प्रविधिमार्फत भर्चुअल सहभागी भएका भारद्वाजले चार्टर्ड फ्लाइटबाट मात्र १६ हजार नेपाली श्रमिकको उद्धार सम्भव नभएको बताएका हुन् ।
हालको संख्या १६ हजार भएपनि चाडपर्व नजिकिँदै जाँदा यो संख्या अझै बढ्न सक्ने भन्दै उद्धारका लागि दैनिक ४ वटा उडान आवश्यक रहेको बताए ।
राजदूत भारद्वाजले सेड्युल फ्लाइटबाट मात्र यहाँ रोकिएका १६ हजार नेपालीलाई घर फर्काउन सकिने समितिलाई जानकारी दिए । हाल कतारबाट नेपाली श्रमिकको उद्धारका लागि नियमित उडानको व्यवस्था छैन ।
राजदूत भारद्वाजले अहिलेसम्म कतारबाट छ हजार सात सय ७८ जनाको नेपालीहरुको उद्धार गरिएको समितिलाई जानकारी दिए ।
तपाईको प्रतिक्रिया