१६ कात्तिक/अर्थ र व्यापार– कोभिड–१९ को विश्वव्यापी प्रभावपछि विभिन्न श्रम गन्तव्य मुलुकबाट स्वदेश फर्किन चाहने नेपालीहरुमध्ये एक लाख ३२ हजार ८२५को उद्धार गरिएको छ ।

कोभिड–१९ संक्रमणका कारण रोजगारी गुमाएका तथा अन्य विविध समस्यामा परेकाहरुले श्रम, रोजगार तथा सामाजिक सुरक्षा मन्त्रालयमा उद्धारको लागी निबेदन दिएका हुन् । 

श्रम, रोजगार तथा सामाजिक सुरक्षा मन्त्रालयको गत असोज २९ गतेसम्मको तथ्याङ्कअनुसार वैदेशिक रोजगारीबाट उद्धारका लागि कूल एक लाख ४२ हजार ८०७ को निवेदन परेको देखाएको छ । जसमध्ये एक लाख ३२ हजार ८२५ को उद्धार गरिएको हो ।

पुनः श्रम स्वीकृति लिनका लागि सात हजार ८३९ ले निवेदन दिएकामा एक हजार ६५९ ले मात्र पाएका छन् । 

यस्तै, नयाँ श्रम स्वीकृतिका लागि ५१४ ले आवेदन दिएकामा ३६३ ले पाएका छन् ।