२६चेत/अर्थ र व्यापार – नेपाल वैदेशिक रोजगार व्यवसायी संघको यहि २९ चैतमा हुने निर्वाचनका लागि दुईवटा समुहका र दुईपदमा स्वतन्त्र सहित ३६ जना व्यवसायीले उम्मेदवारी दर्ताका छन । संघको आगामी नयाँ नेतृत्व चयन गर्नकालागि हुने लागेको सो निर्वाचनमा २१ सदस्यीय कार्यसमितिमा अध्यक्ष सहित ७ पदाधिकारी र १० जना सदस्य गरी कुल १७ पदका लागि निर्वाचन हुँदैछ ।
सो निर्वाचनका लागि संघमा अध्यक्षका प्रत्याशी उम्मेदवार नरेश गेलाल र भुवनसिंह गुरुङको समूहबाट १७ जनाले उम्मेदवारी दर्ता गराएका छन् । आगामी नयाँ नेतृत्व आफ्नो पक्षमा पार्न एमाले निकट प्रगतिशील वैदेशिक रोजगार व्यवसायी मञ्च नेपाल, कांग्रेसनिकट लोकतान्त्रिक वैदेशिक रोजगार व्यवसायी एसोसिएसनको असन्तुष्ट पक्षका र एकीकृत समाजवादी निकट एकीकृत वैदेशिक रोजगार व्यवसायी संगठनको ‘सयुक्त व्यावसायिक समूहले अध्यक्षका प्रत्याशी उम्मेदवार गेलालको समूहबाट आइतबार आ आफ्नो उम्मेदवारी दर्ता गराएका हुन् ।
यसैगरी, नेपाली कांग्रेस निकट लोकतान्त्रिक एसोसिएसनको आधिकारिक तर्फबाट अध्यक्षका प्रत्याशी उम्मेदवार भुवनसिंह गुरुङको समूहले एकीकृत माओवादी निकट वैदेशिक रोजगार व्यवसायी गणतान्त्रिक मञ्चसँगको तालमेलमा आफ्नो १७ सदस्यीय उम्मेदवारी दर्ता गराएको हो ।
आइतबार दिउँसो ११ बजेबाट सुरु भएको उम्मेदवारी दर्ताको समयमा नै उनीहरुले उम्मेदवारी दर्ता गराएका हुन् । संघको सो निर्वाचनका लागि ‘सयुक्त व्यावसायिक समूह’को तर्फबाट संघको आगामी अध्यक्षका लागि एचआर इन्टरनेसनल प्रालिका सञ्चालक नरेश गेलाल, प्रथम उपाध्यक्षमा एलायन्स ह्युमन रिसोर्सका सञ्चालक सुजितकुमार श्रेष्ठ, द्वितीय उपाध्यक्षमा इम्प्लोइमेन्ट लिंकका सञ्चालक मधुकर रिजाल, तृतीय उपाध्यक्षमा न्यु अल्फा एचआरका वैकुण्ठवैभव पौडेल र महासचिवमा डाइनामिक स्टाफिङ सोलुसनका सञ्चालक कर्णराज कटुवालको उम्मेदवारी दर्ता भएको छ ।
यसैगरी, गेलाल समूहबाट संघको सचिवमा कन्फिडेन्ट इन्टरनेसनल म्यानपावरका सञ्चालक अनिल बोगटी र कोषाध्यक्षमा कालिञ्चोक एचआरकी सञ्चालक धनु सिँजालीको उम्मेदवारी दर्ता भएको छ । त्यसैगरी, गेलालको समूहबाट संघका सदस्यहरूमा माउन्टेन ग्रुपका देउमान नेम्वाङ, ग्रोथ प्रोसेस इम्प्लोइमेन्टका राजेन्द्र बस्नेत, उज्यालो ओभरसिजका चन्द्र लिम्बू, रियो ओभरसिजकी रमा खडका, विनर एचआरकी हिमा गुरुङ, गल्फ इम्पायरका दिनेश बस्नेत, आयुस ओभरसिजका कामेश्वर साह (राहुल), सिगल ओभरसिजका छत्र बस्नेत, डेस्टिनी ह्युमन रिसोर्सका युवराज देवकोटा, गल्फ एसिया म्यानपावरका राजेश यादवको उम्मेदवारी दर्ता भएको छ ।
सो निर्वाचनका लागि नेपाली कांग्रेस निकट लोकतान्त्रिक एसोसिएसनको आधिकारिक तर्फबाट अध्यक्षका प्रत्याशी उम्मेदवार भुवनसिंह गुरुङको समूहबाट प्रथम उपाध्यक्षमा नोकरी नेपाल प्रालिका सञ्चालक नरेन्द्रप्रसाद ढकाल, द्वितीय उपाध्यक्षमा अलर्ट ओभरसिज प्रालिका सञ्चालक देव खोखाली, तृतीय उपाध्यक्षमा इम्प्लोइमेन्ट क्रियसन सर्भिस प्रालिका सञ्चालक हर्क लिम्बू, महासचिवमा ग्लोबल राइजिङ प्लेसमेन्ट प्रालिका सञ्चालक महेशकुमार बस्नेतले उम्मेदवारी दर्ता भएको छ । सो समूहको सचिवमा आकृति रिक्रुटिङ प्रालिका सञ्चालक कुन्छा दोर्जे दिमदोङ, कोषाध्यक्षमा शुभ हारती म्यानपावर प्रालिका सञ्चालक विक्रम श्रेष्ठको उम्मेदवारी परेको छ ।
सोही समूहबाट संघको कार्यसमिति सदस्यहरूमा इम्पेरियल ओभरसिज प्रालिकी सञ्चालक विद्यालक्ष्मी बज्राचार्य, राजग्रुपअफ कम्पनीका सञ्चालक राज लामा तामाङ, हिमालयन भ्याली नेपाल प्रालिका सञ्चालक देवीप्रसाद गिरी, ब्रदर इन्टरनेसनल इम्प्लोइमेन्ट प्रालिका सञ्चालक दीपककुमार राय, रसुवा ओभरसिज प्रालिका सञ्चालक सुवर्ण लामा, सेक्युर नेपाल जब प्रालिका सञ्चालक सुमनराज पाण्डेको उम्मेदवारी परेको छ ।
यसैगरी, कार्यसमिति सदस्यमा ग्लोबल एचआर हब प्रालिकी सञ्चालक गीता राउत, युनिक ओभरसिज प्रालिकी सञ्चालक तिलरूपा दाहाल, युनिभर्स एचआर सोलुसन प्रालिका सञ्चालक भरत सापकोटा, रिजा ओभरसिज प्रालिकी सञ्चालक रेखा शर्मा र इगल म्यानपावर कन्सल्टेन्ट प्रालिका सञ्चालक कृष्ण ढकालको उम्मेदवारी परेको छ ।
सो निर्वाचनका लागि यी दुई समूहबाट पनि बाहिर रहेका व्यवसायी अक्सन इन्टरनेसनल प्रालिका सञ्चालक ईश्वर सापकोटाले सचिव पदमा स्वतन्त्र उम्मेदवारी दर्ता गरेका छन् । यसैगरी, ओभरसिज इम्प्लोइमेन्टका अध्यक्ष अख्तर हुसेनले प्रथम उपाध्यक्षमा स्वतन्त्र उम्मेद्धवारी दर्ता गराएको संघ निर्वाचन समितिले जानकारी गराएको छ ।
गत सातादेखि नै वैदेशिक रोजगार व्यवसायीबीच धमाधम आगामी नयाँ नेतृत्वका लागि भिन्दाभिन्दै समूहको उम्मेदवारी घोषणा गर्ने क्रम बढेको थियो । यसअघि गत २ फागुन तय भएको निर्वाचन स्थगित भई आगामी २९ चैतमा हुने निर्वाचन तालिकाबमोजिम आइतबार अध्यक्षको आकांक्षी उम्मेदवारहरू गेलाल र गुरुङले आआफ्नो समूह बनाएर उम्मेदवारी दर्ता गराएका हुन् । यस निर्वाचनकालागि कुल ९ सय २ जना मतदाता संख्या रहेको संघ निर्वाचन समितिले जनाएको छ । उम्मेदवारी दर्ताभएपछि अहिले व्यवसायीबीच चुनावी माहोल बढेको छ । यि दुई समुहका उम्मेदवारहरु अहिले व्यवसायीक जमघट तथा भोट माग्ने दौडधुपमा छन् ।