२५ चैत/अर्थ र व्यापार – श्रम, रोजगार तथा सामाजिक सुरक्षामन्त्री डोलप्रसाद(डीपी) अर्यालले एक घण्टाभित्रै श्रम स्वीकृति प्रदान गरिने बताएका छन् । श्रममन्त्री अर्यालले आइतबार पत्रकार सम्मेलन गर्दै कार्यालयको समयभित्र अनलाइनबाट कागजात पेश गरेको एक घण्टाभित्र वैदेशिक रोजगारीकालागि श्रम स्वीकृति प्रदान गरिने बताएका हुन् ।
उनले पहिलो पटक यो प्रयास सुरूवात भएको भन्दै भोलिका दिनमा पनि यसले निरन्तरता पाउने बताए । ‘यसअघि वैदेशिक रोजगारीमा जाँदा श्रमिकले श्रम स्वीकृति लिन दुःख पाउने अवस्था थियो,’ उनले भने, ‘अबदेखि यो कुराको अन्त्य भएको छ ।’
आगामी दिनमा जो मन्त्री, कर्मचारी आए पनि यसले निरन्तरता पाउने अर्यालले दाबी गरे ।