१३ पुस/अर्थ र व्यापार – प्रशिक्षार्थी कामदारको रुपमा दक्षिण कोरिया जानका लागि आवश्यक रोजगार अनुमति प्रणाली (इपीएस) मार्फत लिइने भाषा परीक्षाको विषयलाई लिएर भएको प्रदर्शनले ललितपुरको बालकुमारी क्षेत्र तनावग्रस्त बनेको छ । प्रदर्शनमा उत्रिएका युवाले सडक अबरुद्ध पार्दै बहालवाला मन्त्रीको सवारीसाधनमा समेत आगजानी गरेका छन् ।
प्रदर्शनकारीले भौतिक पूर्वाधार तथा यातायातमन्त्री प्रकाश ज्वालाको बा २ झ ५८६१ नम्बरको गाडीमा आगजनी गरिदिएको हो । ललितपुर प्रहरी प्रमुख एसएसपी सिद्धिविक्रम शाहले अहिले प्रहरी टोली घटनास्थलमा पुगेर स्थितिलाई नियन्त्रणमा लिने प्रयास गरिरहेको बताए । उनका अनुसार स्थिति नियन्त्रणमा लिन प्रहरीले अश्रुग्यास हानेको थियो ।
भौतिक, पूर्वाधार तथा यातायातमन्त्री ज्वालाको गाडी रोकेर प्रदर्शनकारीहरुले सुरुमा हावा खुस्काएका थिए । लगत्तै उनीहरुले गाडीमा आगजनी समेत गरेका हुन् ।
मन्त्री ज्वाला निस्किएपछि दुई पिएसओ पनि बाहिर निस्किएका थिए । कोरियामा पुगेर पानीजहाज बनाउने कम्पनीका लागि काम गर्न परीक्षा फर्म भरेका युवाले अन्य क्षेत्रका लागि परीक्षा दिन नमिल्ने इपिएस कार्यालयले जनाएको थियो । पानी जहाजमा परीक्षा दिएका तर, अनुत्तिर्णले फर्म भर्न नपाउने निर्णयविरुद्ध युवाहरु अदालत गएका थिए ।
उत्पादनमुलक तथा कृषि क्षेत्रमा हुने परीक्षामा पनि उनीहरुलाई सहभागी गराउन अदालतले आदेश दिएको थियो ।
इपीएस कार्यालयले अदालतमा रिट दायर गर्नेलाई मात्रै आवेदन दिन आह्वान गरेको थियो । अरु विद्यार्थीले फर्म भर्न नपाउने स्थिति भएपछि शुक्रबार कोरिया इपीएस कार्यलय अगाडी विरोध प्रदर्शन भएको हो ।
तपाईको प्रतिक्रिया