logo

नेपाली श्रमिकका समस्यामा केन्द्रित हुन राजदूतहरुलाई प्रधानमन्त्रीको निर्देशन, आर्थिक कूटनीतिलाई पनि प्राथमिकतामा राखौं

    303   पटक पढिएको


२६ भदौ/अर्थ र व्यापार – प्रधानमन्त्री पुष्पकमल दाहाल ‘प्रचण्ड’ले नेपाली राजदूतहरूलाई आफ्ना श्रमिकको हितमा काम गर्न निर्देशन दिएका छन्।
प्रधानमन्त्री दाहालले विभिन्न १३ देशमा कार्यरत नेपाली राजदूतलाई काठमाडौंमा बोलाएर नेपाली श्रमिकका समस्याबारे ब्रिफिङ गर्न लगाई समस्या समाधानमा केन्द्रीत हुन निर्देशन दिएका हुन्।
‘वैदेशिक रोजगारीमा गएका नेपाली श्रमिकले ठगीमा पर्ने, समयमै उद्धार हुन नसक्ने र कार्यस्थलका विभिन्न प्रकारका जोखिममा पर्ने लगायत समस्या सामना गरिरहेका छन्, यसको सम्बोधन हाम्रो गम्भीर चासोको विषय हो’ प्रधानमन्त्री दाहालले मंगलबार राजदूतहरुसँगको छलफल समापनको क्रममा भने ।
कुनै पनि नेपाली नागरिक विदेशी भूमिमा समस्यामा परेको बेला कूटनीतिक नियोगले गुनासो सुनुवाइ गरेनन् भन्ने अवस्थाको अन्त्य गर्न सबै राजदुतहरु गम्भीर हुनुपर्छ भन्दै उनले भने, ‘म परराष्ट्र मन्त्रालय, राजदूत र श्रम प्रशासनसँग सम्बद्ध सबै निकायलाई नेपालीको हकहितका लागि गम्भीर भएर क्रियाशील हुन निर्देशित गर्दछु।’

यसैगरी, प्रधानमन्त्री दाहालले विभिन्न देशसँग भएका श्रम सम्झौता पुनरावलोकनलाई प्राथमिकतामा राख्न राजदूतहरुलाई निर्देशन दिए । उनले वैदेशिक रोजगारीमा जाने श्रमिकलाई प्रदान गरिने सबै प्रकारका कन्सुलर सेवालाई सूचना प्रविधिमा आधारित बनाउन निर्देशन दिए ।
दुईपक्षीय श्रम सम्झौता पुनरावलोकन र बिस्तार, मागपत्रको प्रमाणीकरण, कानुनी प्रतिरक्षा, घरेलु कामदारसँग सम्बन्धित समस्याको सम्बोधन लगायत विषयमा तत्काल कार्ययोजना बनाई काम गर्न निर्देशन दिँदै दाहालले देशको अर्थतन्त्र केही वर्षयता वैदेशिक रोजगारीमा रहेका श्रमिकले पठाएको रेमिट्यान्सबाट धानिंदै आएको बताए ।
गत आर्थिक वर्ष ७ लाख ७५ हजार युवा वैदेशिक रोजगारीमा गएको र नेपाली श्रमिकले गतवर्ष १२ खर्ब २० अर्ब रेमिट्यान्स पठाएको जानकारी गराउँदै उनले आर्थिक कुटनीतिलाई प्राथमिकतामा राख्न पनि राजदूतहरुलाई निर्देशन दिए ।

मुलुकको समृद्धिमा योगदान हुनेगरी बाह्य लगानी अभिवृद्धि तथा नेपाली उत्पादनको बजारीकरणमा समेत रोजगारदाता गन्तब्यमुलुकमा कार्यरत नेपाली राजदुतहरूले पर्याप्त ध्यान दिनुपर्नेमा जोडदिँदै दाहालले भने, ‘नेपालमा पर्यटन विकासमा प्रचुर सम्भावना हुँदाहुँदै पनि हामीले यसको पर्याप्त लाभ लिन सकेका छैनौं। तसर्थ विदेशी पर्यटकको आगमन वृद्धिका लागि नेपालको पर्यटन प्रवर्धन गर्ने कार्यमा समेत तपाइँहरूले महत्त्वपूर्ण भूमिका खेल्नुहुनेछ।’
सोमबारदेखि काठमाडौमा भएको सो छलफलमा उठेका विषयलाई समेटेर कार्य सम्पादन सूचक तयार गरी कार्य सम्पादन सम्झौता गर्ने प्रबन्ध मिलाउन उनले परराष्ट्र मन्त्रालयलाई निर्देशन दिए । दूतावासमा साधनस्रोतको अभाव भएको गुनासोलाई आफूले गम्भीरतापूर्वक लिएको भन्दै उनले आगामी दिनमा नेपाली कामदारले विदेशी भूमिका कुनै अप्ठ्यारो नहुने किसिमिले कुटनीतिक सम्वन्ध बढाउन सबै राजदुतहरुलाई निर्देशन गरे ।

सरकारले पहिलोपटक विभिन्न देसमा कार्यरत नेपाली राजदूतहरूलाई काठमाडौंमा बोलाएर नेपाली श्रमिकका समस्याबारे छलफल गरेको हो । सो छलफलमा सोमबार कतार, साउदी अरेबिया, संयुक्त अरब इमिरेट्स लगायत विभिन्न १३ देशका राजदूतहरुले नेपाली श्रमिकको अवस्थाबारे आ आफ्ना प्रस्तुति गरेका थिए ।
सो छलफलमा अष्ट्रियाका लागि नेपाली राजदूत भरत गौतम, ओमानका डोरनाथ अर्याल, जर्मनीका रामकाजी खड्का, जापानका दुर्गाप्रसाद सुवेदी, दक्षिण कोरियाका ज्योति प्याकुरेल, मलेसियाका डिल्लीराज पौडेल, कतारका नरेशविक्रम ढकाल, बहराइनका तीर्थराज वाग्ले, कुवेतका घनश्याम लम्साल, संयुक्त अरब इमिरेट्स (युएई)का तेजबहादुर क्षत्री र साउदी अरेबियाका लागि नेपाली राजदूत नवराज सुवेदीले नेपाली श्रमिकले भोगिरहेका समस्याबारे प्रस्तुति गरेका थिए ।

राजदूतहरुले देश नै पिच्छे अलग अलग समस्या रहेको सुनाएका थिए । विदेशमा रहेका कतिपय नेपाली श्रमिकको अवस्था दयनीय रहेको भन्दै श्रम स्वीकृतिमा कडाइ गर्नुपर्ने कतिपय राजदूतको भनाइ थियो । कतिपयले राजदुतहरुले भने श्रमिकका गुनासा सम्बोधनका लागि दूतावासमा जनशक्ति बढाउनुपर्ने माग गरेका थिए ।
यसैगरी, छलफलमा सहभागी राजदूतहरुले नेपाल श्रमिकलाई सीप सिकाएर पठाउनुपर्नेमा पनि जोड दिएका थिए । सीपविना पुगेका श्रमिकले बढ्ता समस्या झेलिरहेको भन्दै उनीहरुले यो विषयलाई गम्भीरतापूर्वक लिन आग्रह गरेका थिए ।

तपाईको प्रतिक्रिया

सम्बन्धित शीर्षकहरु

मुख्य खबर

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

हेटौंडा कपडा उद्योग पुनः सञ्चालन गर्न नेपाली सेनासँग प्रधानमन्त्रीले गरे छलफल

प्रधानमन्त्री पुष्पकमल दाहाल ‘प्रचण्ड’ले रूग्ण अवस्थामा रहेको हेटौंडा कपडा उद्योग पुनः सञ्चालनका लागि नेपाली सेनासँग छलफल गरेका छन ।

कानुनी लडाइँपछि चौधरी ग्रुपले पायो हिरोको आधिकारीक बिक्रेता

एकवर्षको कानुनी लडाइँपछि हिरो मोटरसाइकलको नेपालस्थित आधिकारिक बिक्रेताको काम ज्योति समुहबाट चौधरी समुहले पाएको छ ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।