२१ वैशाख/अर्थ र व्यापार – रोजगार अनुमति प्रणाली (ईपीएस) मार्फत दक्षिण कोरिया जाँदा तोकिए भन्दा बढी भाडा लिनेविरुद्ध उजुरी आह्वान गरिएको छ ।
इपिएस कोरिया शाखाले तोकिएको भाडादरमा मात्रै हवाई टिक लिन सम्बन्धीत सरोकारवालाहरुलाई एक सूचना मार्फत यस्तो आवहान गरेको हो ।
जसकालागि युनिभर्सल टुर्स एण्ड ट्राभल्स प्रालिले पनि सूचना जारी गर्दै सरकारसँग भएको सम्झौता अनुसार तोकिएको भाडादरमा दक्षिण कोरिया जान अनुरोध गरेको छ ।
गत ३ माघमा वैदेशिक रोजगार विभागको ईपीएस कोरिया शाखा र युनिभर्सल टुर्स एण्ड ट्राभल्स प्रालिबीच भएको सम्झौता अनुसार प्रति यात्रु ८९५ अमेरिकी डलर भाडा निर्धारण गरिएको छ ।
सोही अनुसार राष्ट्र बैंकको प्रचलित विनिमयदरबमोजिम हुन आउने रकम सौझै तोकिएको बैंक खातामा जम्मा गरी टिकट लिन आवहान गरिएको सो शाखा र ट्राभलले जनाएको छ ।
यदि, कसैले तोकिएको रकमभन्दा बढी रकम लिएमा वा लिने प्रयास गरेमा उजुरी गर्न समेत आह्वान गरिएको छ । उजुरी अमेरिकी डलर वैदेशिक रोजगार विभागको ईपीएस शाखा र युनिभर्सल टुर्स एण्ड ट्राभल्स प्रालिको ईपीएस शाखामा गर्न सकिने बताईएको छ ।
यसरी सूचना जारी गर्दा समेत यदि कसैले बढी भाडा लिन्छ भने त्यस्तो व्यक्ति वा कम्पनीमाथी कडा कारबाही हुने भनिएको छ ।