८बैशाख/अर्थ र व्यापार – नेपाली काँग्रेसको शुभेच्छुक संस्था नेपाल लोकतान्त्रिक वैदेशिक रोजगार व्यवसायी एशोसिएसनको अध्यक्षमा कुमुद खनाल निर्वाचित भएका छन । एसोसियसनको बुधबार आयोजित एघारौं साधारणसभामा भएको निर्वाचनले खनालको नेतृत्वमा नयाँ कार्यसमिति चयन गरेको हो ।
निर्वाचनमा खसेको २ सय ६७ मतमा खनालले १ सय ४९ प्राप्त गरेका थिए । उनका निकटतम प्रतिस्पर्धी तारानाथ अर्यालले १ सय ६ मत पाए । खनाल नेपाल वैदेशिक रोजगार व्यवसायी संघका पूर्व प्रथम उपाध्यक्ष समेत हुन् ।
कार्यसमितिमा बरिष्ठ उपाध्यक्षमा भगिरथ राई (रमेश), द्वितीय उपाध्यक्षमा विनोदजंग केसी, तृतीय उपाध्यक्षमा दीपक थापा, महासचिवमा कमल काफ्ले, सचिवमा लक्ष्मण पौडेल, सह(सचिवमा हर्क लिम्बू, कोषाध्यक्षमा कैलाश कार्की र सह–कोषाध्यक्षमा जफरूद्विन मियाँ विजयी भएका छन् ।
यसैगरि, कार्यसमितिका सदस्यहरूमा कैलाश पाठक, पंकज कुमार मिश्रा, प्रदीप थापा, मदन पुरी, यम कुमार क्षेत्री केसी, रविन मेगाले मगर, राम बहादुर लामा तामाङ, सुनिता कर्माचार्य, सुनिता श्रेष्ठ र हिरा बुढाथोकी निर्वाचित भएका छन् । नयाँ कार्यसमितिको कार्यकाल दुई वर्षका लागि हुने व्यवस्था छ ।
एसोसिएसनको विधान अनुसार अध्यक्ष, वरिष्ठ उपाध्यक्ष र दुई उपाध्यक्ष, महासचिव, सचिव, कोषाध्यक्ष, सहकोषाध्यक्ष र सदस्यहरु सहित २३ सदस्यीय रहने कार्यसमितिमा १९ जनाको निर्वाचन भएको हो भने ४ जना कार्यसमिति सदस्यको निर्वाचित अध्यक्षले मनोनयन गर्ने व्यवस्था रहेको छ ।