१७ फागुन/अर्थ र व्यापार – नक्कली कागजात बनाएर विदेश पठाउने ५३ वटा म्यानपावर कम्पनीहरु कारबाहीमा परेका छन । वैदेशिक रोजगार न्यायाधीकरणले नक्कली कागजात बनाएर विदेश पठाएको ठहर गरी ५३ वटा म्यानपावर कम्पनीका सञ्चालकलाई ६ महिना कैद र एक÷एक लाख रुपैयाँ जरिवाना गर्ने फैसला गरेको छ ।
वैदेशिक रोजगार न्यायाधीकरणका अध्यक्ष रमेशकुमार खत्री तथा सदस्यद्वय निशा बानियाँ र डा.गोपिचन्द्र भट्टराईको इजलासले यस्तो कार्यमा संलग्न ५३ वटा म्यानपावर कम्पनीका सञ्चालकहरुलाई नक्कली कागजात बनाएर विदेश पठाएको ठहर गर्दै ६ महिना कैद र एक÷एक लाख रुपैयाँ जरिवाना हुने फैसला गरेको हो ।
सो इजलासले वैदेशिक रोजगार ऐन–२०६४ को दफा ४७ को उपदफा (१) अनुसारको कसुर गरेको ठहर गरी ६ महिना जेल संजाय र जनही एकलाख रुपैयाँ जरिवाना गर्ने फैसला गरेको हो । सोही इजलासले नक्कली कागजात तयार गर्ने कम्पनीका सञ्चालक शेरबहादुर महर्जनलाई पनि तीनमहिना कैद संजाय र ५० हजार संजाय गर्ने फैसला सुनाएको छ । यसैगरि, सो कम्पनीमा काम गर्ने कर्मचारी अनिलकुमार महर्जनलाई भने सफाइ दिएको छ ।
तपाईको प्रतिक्रिया