logo

इजरायलमा नेपाली कामदार पठाउन लिईने परीक्षा भोलि

काठमाडौका विभिन्न ११ स्थानमा परीक्षा केन्द्र 

    389   पटक पढिएको

२७ भाद्र / अर्थ र व्यापार – वैदेशिक रोजगारिकालागि आकर्षक श्रम गन्तव्य मुलुक बनेको इजरायलमा नेपाली कामदार पठाउने प्रक्रिया अन्तर्गत लिईने परीक्षा भोलि (सोमबार) हुने भएको छ । दई सरकारबीच भएको सम्झौता अनुसार जीटुजी मार्फत् पहिलो पटक रोजगारीमा लैजाने निर्णय भएको इजरायलमा नेपाली कामदार पठाउन लिईने परिक्षा  सरकारले सोमबार लिन लागेको हो ।
सरकारले इजरायलमा नेपाली कामदार पठाउने प्रक्रियाकालागि परिक्षामा सहभागी हुन इच्छुक आवेदनकहरूको लिखित र मौखिक परिक्षा सञ्चालन गर्दा लोक सेवा आयोगले अवलम्बन गरेको विधि उपयोग गर्ने भएको छ । 
श्रम, रोजगार तथा सामाजिक सुरक्षा मन्त्रालयले लिखित तथा मौखिक परीक्षा लोक सेवा आयोगले अवलम्बन गरेको विधिको उपयोग गर्ने निर्णय भएको बताएको छ ।
मन्त्रालयको निणर्यसँगै वैदेशिक रोजगार विभागले सो परिक्षा सम्पन्न गराउन लागेको हो ।  वैदेशिक रोजगार विभागका अनुसार आवेदन दिई दरखास्त स्वीकृत भएका उम्मेदवारहरुको भौतिक उपस्थितिमा काठमाडौं उपत्यकाका विभिन्न परीक्षा केन्द्रहरूमा सोमबार १ बजे अंग्रेजी भाषाको लिखित परीक्षा सञ्चालन हुनेछ ।
विभागले सो परीक्षा स्वास्थ्य मापदण्ड सहित पालना गरेर परीक्षा सञ्चालन गर्ने भएको जनाएको छ । इजरायलमा नेपाली कामदार पठाउन लिईने यस अंग्रेजी भाषाको परीक्षाकालागि काठमाडौका विभिन्न ११ वटा स्थानमा केन्द्र तोकेको छ । जसमा सोमबार हुने परीक्षा केन्द्रहरूमा कलंकीस्थित एलआरआई विद्यालय, त्रिपुरेश्वरको विश्व निकेतन उच्च मावि, रानीपोखरीको दरबार हाइस्कुल , नयाँबानेश्वरको मदन भण्डारी मेमोरियल कलेज, नोबेल एकेडेमी, एम्बिसन एकेडेमी, कोटेश्वरको सरस्वती मावि, कोटश्वर बहुमुखी क्याम्पस, गोठाटारको गान्धी आदर्श मावि, बसुन्धारको साउथवेस्टर्नस्टेट कलेज र बत्तिसपुतलीको गोल्डेनगेट इन्टरनेश्नल कलेजमा परीक्षा केन्द्र निर्धारण गरिएको छ ।
यस परिक्षामा सहभागी हुनेहरु भौतिक रुपमा नै उपस्थित हुनुपर्ने छ । इजरायल रोजगारीको परीक्षा १०० पूर्णाकंको हुने भएको छ । जसलागि इजरायल सरकारले अंग्रे्रजी भाषालाई प्राथमिकता दिएको छ । त्यसमा अंग्रेजी भाषाको लिखित परीक्षाको पूर्णाकं ८० तोकेको छ भने ४० नम्बर ल्याए उत्तीर्ण हुन सक्ने जनाएको छ । यसैगरि, दोस्रोमा बोल्ने र सुन्न सक्ने क्षमताको लागि लिईने परिक्षाकालागि २० अंक छुट्टाइएको छ । 
विभागले यसअघि नै रोजगारीकोलागि इजरायल जान इच्छुक नेपालीहरूलाई एक महिनाको समय दिएर आवेदन खुलाएको थियो । सोही आवेदनमा कुल ९ हजार ६ सय ९९ जनाले आवेदन दिएका छन् । जसमध्ये आवेदन दिनेमा ५ हजार ४ सय ९९ जना पुरुष छन् भने ४ हजार २ सय जना महिला रहेको वैदेशिक रोजगार विभागले जनाएको छ । 
इजरायलले यस भाषा परिक्षा उत्तिर्ण भएकाहरु मध्ये तोकिएका सबै प्रक्रिया पुरा गरि एक हजार जना नेपालीलाई आफ्नो मुलुकमा लैजाने छ । जसमा ७ सय जना महिला र ३ सयजना पुरुषको कोटा रहेको छ । 

तपाईको प्रतिक्रिया

सम्बन्धित शीर्षकहरु

मुख्य खबर

बल्ल बतासले मुख खोले, नारायणहिटीमा सेटिङ नभएको बतास अर्गनाइजेसनको स्पष्टोक्ति 

बतास अर्गनाइजेसनले नारायणहिटी दरबार संग्रहालयभित्र क्याफे सञ्चालनको ठेक्का कुनै सेटिङको आधारमा नपाएको दावी गरेको छ ।

मदिरा आयाताकर्ता अग्रवाल दाजुभाई डेढ अर्ब कुम्ल्याएर फरार, बैंकहरुले टाँसे यस्तो सूचना 

एकपछि अर्को ठगिका प्रकरण बाहिरिने क्रमसँगै अहिले पुनः नेपालमा तीन दशकभन्दा बढी समयदेखि विदेशी मदिरा आयात तथा विक्री गर्दै आएका अभिषेक अग्रवाल र अमित अग्रवाल झन्डै डेढ अर्ब रुपैयाँ कुम्ल्याएर फरार भएका छन् ।

नारायणहिटीमा रेस्टुरेन्ट निर्माण प्रकरण : सरकारी कर्मचारी र ठेकेदार कम्पनीको मिलेमतो 

नारायणहिटी दरबार संग्रहालय परिसरमा रेस्टुरेन्ट सञ्चालनका लागि भएको ठेक्का प्रक्रियाबारे छानबिन गर्न गठित समितिले नारायणहिटीभित्र रेस्टुरेन्ट ठेक्का सम्झौतामा सरकारी अधिकारी र ठेकेदार कम्पनीको मिलेमतो भएको निष्कर्ष निकालेको छ ।

महानगरद्धारा कर नतिर्ने ५२ करदाताको नाम सार्वजनिक 

काठमाडौँ महानगरपालिकाले घरजग्गा र सम्पत्ति कर नबुझाउने ५२ करदाताको नामवली सार्वजनिक गरेको छ ।

मनोरञ्जन

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।

प्रथम रेडियो सान्भी म्युजिक अवार्ड २०७८ आयोजना हुने 

विरगंज ९– पिसि मिडिया प्रालिद्वारा सञ्चालित तथा वीरगंजबाट प्रसारित रेडियो सान्भीले आगामी २२ कात्तिकमा ‘प्रथम रेडियो सान्भी म्युजिक अवार्ड २०७८’ आयोजना गर्ने भएको छ । नेपाल पत्रकार महासंघको सभाकक्षमा पत्रकार सम्मेलन आयोजना गर्दै रेडियो सान्भीले आगामी २२ कात्तिकमा प्रथम रेडियो सान्भी म्युजिक अवार्ड २०७८ आयोजना गर्ने जनाएको हो ।

युट्युव बन्यो १० अर्ब डाउनलोड हुने विश्वकै पहिलो एप

गूगलको सहायक कम्पनीको रूपमा सञ्चालित भिडिओ स्ट्रिमिङ प्लेटफर्म युट्युव १० अर्ब डाउनलोड पुरा गर्ने विश्वकै पहिलो एप बनेको छ ।