logo

धितोपत्र बोर्डलाई पूँजीबजारको विकृति रोक्न अर्थमन्त्रीको निर्देशन

    862   पटक पढिएको

१८ फागुन /अर्थ र व्यापार – अर्थमन्त्री जनार्दन शर्माले नेपाल धितोपत्र बोर्ड ( सेबोन)लाई हाल पूँजीबजारमा भईरहेको विकृतिलाई तत्काल रोक्न निर्देशन दिएका छन ।
बुधबार अर्थमन्त्रालयमा आयोजित ‘पूँजीबजारको वर्तमान अवस्था सम्बन्धी’ छलफल कार्यक्रममा अर्थमन्त्री शर्माले नेपाल धितोपत्र बोर्डका नवनियुक्त अध्यक्ष रमेश हमाललाई यस्तो निर्देशन गरेका हुन ।
सेयर ब्रोकरले सेयर बिक्रीको काम मात्रै गरेर नपुग्ने भन्दै उनले सेयर ब्रोकरले लगानीकर्तालाई कुन कम्पनीको सेयर किन्ने भनेर जानकारी दिएर मात्र लगानी सुरक्षित गराउनुपर्ने बताए । यसैगरि, उनले धितोपत्र बोर्डका नवनियुक्त अध्यक्ष हमाललाई पुँजी बजार विकास कसरी गर्ने भन्ने विषयमा सुझाव दिँदै ब्रोकरको भूमिका बढाउन आग्रह गरे ।
अर्थमन्त्री शर्माले सेयर कारोबार भए पनि चेतना नभएको भन्दै अब यसकालागि तालिम केन्द्र सञ्चालन गर्नुपर्ने बताए । हाल करिब ५० लाख भन्दा बढीले डिम्याट खाता खोलिसकेको र ११ लाखभन्दा बढी सक्रिय लगानीकर्ता रहेको बताउँदै अर्थमन्त्री शर्माले भने, ‘तर उनीहरुमा पुँजीबजार सम्बन्धी ज्ञानको अभाव छ ।’
उनले छरिएको पुँजी एकत्रित गरेर सेयर बजारमा उचितरुपमा लगानी बढाउने वातावरण सिर्जना गर्न समेत बोर्डका अध्यक्षलाई सुझाव दिए । ‘२०७५ सालमा टीएमएस आएको रहेछ तर, त्यो प्रविधिमैत्री छैन भन्ने सुनेको छु, त्यसबाहेक एपीआइको विकास अहिलेसम्म भएको पाइएको छैन’ उनले भने । यस्ता कमजोरिकै कारण आवस्यक परेको बेला डाटा नपाउने अवस्था आएको उनको भनाई छ । उनले नेप्से र सेबोनबीच आपसी तालमेल नभएको विगतका इतिहास भएकाले अब त्यस्तो समस्या नआओस भन्नेमा ध्यान दिन सुझाव दिए ।
यसैगरि, उनले २÷४ जना लगानीकर्ताले सेटिङ गरेर पम्पिङ एण्ड डम्पिङ, इन्साइडर ट्रेडिङ गरेकोदाबी समेत गरे । लगानीकर्ताको लगानीको सुरक्षा गर्नु राज्यको चासो रहेकाले सेबोनले यस विषयमा ध्यान दिनुपर्ने सुझाव दिए । उनले कोरोनाको समयमा अन्य मुलुकमा कसरी सञ्चालन भइरहेको भन्दै त्यो पनि अध्ययन गर्न सुझाव दिए ।
त्यसैगरि, अर्थमन्त्री शर्माले लगानीकर्ताको प्रतिफल बढाउने, पुँजी निर्माण कसरी गर्ने भन्नेमा चिन्ता रहेको बताए । उसनले इन्ट्रा डे कारोबार (आजै किनेर आजै बेच्ने), सट सेलिङ कसरी गर्ने हो ? त्यसमा पनि सेबोनको नेतृत्वलाई ध्यान दिन सुझाव दिए ।
बुक बिल्डिङको काम अझै पूरा नभएको भन्दै मन्त्री शर्माले त्यो काम तत्काल शुरु गर्न पनि सुझाव दिए । उनले सेबोन नेतृत्वलाई कति सातामा के काम गर्ने हो टाइम फ्रेम बनाएर काम गर्न समेत सुझाव दिए ।

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।