१२ मंसिर /अर्थ र व्यापार – सम्वन्धीत क्षेत्रका सरोकारवाला एवं व्यवसायीहरुले ढाकाजन्य बस्तु उत्पादनको प्रवद्र्घन गर्नसके मुलुककै व्यापार घाटा न्यूनीकरण हुने बताएका छन । उनीहरुले नेपालमा स्थानीयदेखि अन्तर्राष्ट्रिय बजारमा समेत उच्च सम्भावना बोकेको ढाकाजन्य बस्तु उत्पादनको प्रवद्र्घन गर्न सके सहज रुपमा मुलुकको व्यापार घाटा न्यूनीकरण हुने दावी गरे । 
स्वदेशी ढाका कपडा र यसबाट बनेका बस्तुहरुको प्रवद्र्घन, बजारीकरण र ब्राण्डिङ गर्ने उद्देश्यले आगामी २ देखि ४ पुससम्म काठमाडौको बानेश्वर थापागाउँस्थित वानेश्वर वैंक्वेयटमा आयोजना हुने ढाका वस्तु प्रदर्शनीका बारेमा जानकारी दिन आईतबार आयोजित पत्रकार सम्मेलनमा नेपाल घरेलु तथा साना उद्योग महासंघका केन्द्रिय अध्यक्ष श्यामप्रसाद गिरी लगायतका व्यवसायीले यस्तो बताएका हुन ।
नेपाल घरेलु तथा साना उद्योग महासंघ केन्द्र र नेपाल ह्याण्डुलम तथा ढाका कपडा उद्योगी व्यवसायी संघको संयुक्त आयोजनामा हुने सो प्रर्दशनी र सम्मेलनको तयारीका बारेमा जानकारि दिन आयोजित पत्रकार सम्मेलनमा 
महासंघका केन्द्रिय अध्यक्ष गिरीले अहिले ढाका तथा ढाकाजन्य वस्तुको उत्पादनको गुणस्तर कायम गरी तिनको निकासी गर्न सकिने अवस्था उच्च रहेको भन्दै अब ढाकाजन्य बस्तु उत्पादनलाई मुलुकको फेसन इण्डष्ट्रीजसँग जोडिनुपर्नेमा जोड दिए । हाल आन्तरिक र विश्व बजारमा ढाकाजन्य कपडाको माग बढ्दो क्रममा रहेको जानकारि गराउँदै गिरीले भने, ‘ अहिले यहाँ ८० करोड मिटर ढाकाजन्य कपडा उत्पादन भएको र २० हजार तान सञ्चालित रहेकाले २ करोड मिटर ढाकाको कपडा उत्पादन भईरहेको छ ।’ अब यसलाई फेसन  इण्डष्ट्रीजसँग जोडिनुपर्ने बेला भईसकेको उनको भनाई छ ।  
यसैगरि, उनले विभिन्न शिर्षक हस्तकलाका वस्तु वा सुती कपडा अन्तर्गत ढाकाका बस्तुहरु निर्यात भईरहेको जानकारी दिए । अहिले ढाका तथा ढाकाजन्य उत्पादनहरु निर्यात भइरहे पनि निर्यात भएका ढाका उत्पादनहरुको लेखाजोखा र तथ्याङ्क राख्ने कार्य भने हुन नसकेको भन्दै उनले देशभर झण्डै ५० हजार भन्दा बढी रोजगारी सिर्जना गरेको यस व्यवसायको प्रवद्र्धन र गुणस्तर अभिबृद्धिको क्षेत्रमा पनि प्रभावकारी प्रयास हुनु आवस्यक भएको बताए । 
हालसम्म ढाका कपडा उत्पादनमा परम्परागत सीप शैली डिजाइन प्याटर्नको मात्र प्रयोग भइरहेकोमा अहिले आएर यसका उत्पादनहरुमा बजारको माग तथा बदलिँदो परिवेश अनुसार उत्पादन विविधिकरण कार्यको थालनी भएको  बताउँदै संघका अध्यक्ष रमेश श्रेष्ठले ढाका व्यवसायको वर्तमान स्थितिको विश्लेषण गरी यस व्यवसायमा देखा परेका समस्याहरु तथा समाधानका उपायहरुको पहिचान गरेर सम्बन्धित निकायमा रचनात्मक सुझाव दिन, ढाका बुन्न प्रयोग हुने सूती धागोमा भ्याट लगाउने कार्यका लागि विभिन्न स्वार्थ समूहबाट हुने अप्ठेरोबाट मुक्ति पाउन सरकारसित माग गरिएको बताए । 
यसैगरि, उनले आफुहरुको प्रयास लगायत ढाका उद्योग व्यवसायसंग सम्बन्धित यावत विषय बारे गहन छलफल गर्ने उद्देश्यले ढाका उद्यमी व्यवसायीहरुको राष्ट्रिय भेला तथा ढाका कपडाबाट उत्पादित विविध वस्तुहरु समावेश गरेर प्रदर्शनी समेत आयोजना गरिन लागेको बताए । 
सो भेला तथा प्रदर्शनीमा ४० वटा स्टलमध्ये २५ वटा स्टलमा ढाकाका वस्तु र १५ वटामा रेशाजन्य अल्लोका उत्पादनहरु राखिने आयोजक संघका अध्यक्ष तथा संयोजक श्रेष्ठले जानकारि दिए । 
घरेलु महासंघले २०५८ सालमा ढाका तथा पश्मिनाजन्य बस्तुहरुको बृहत प्रदर्शनी आयोजना गरेको पृष्ठभूमिमा यो दोस्रो ढाका कपडा प्रदर्शनी हुने उनले जानकारि दिए । 
विगतमा नेपाल घरेलु तथा साना उद्योग महासंघको पहलमा ढाका उद्यमी व्यवसायीहरुको छाता संस्थाको रुपमा नेपाल ह्याण्डलुम तथा ढाका कपडा उद्योगी व्यवसायी संघको केन्द्रीय तदर्थ समिति गठन गरिएकोमा विविध कारणले यसलाई व्यवस्थित ढंगले अघि बढाउन नसकिएकोमा अब आगामी २ पुसमा आयोजना गरिने भेलाद्वारा सो संघलाई पुर्नगठन समेत गरिने पनि उनले जानकारि दिए । 
महासंघका महासचिव डम्बरप्रसाद रेग्मीले ढाका कपडा परापूर्वकालदेखि चलि आएको परम्परागत उद्योग व्यवसायहरु मध्ये नेपालको एक मौलिक उत्पादन भएकाले थोरै पूँजी, परम्परागत प्रविधि र स्थानिय जनशक्तिमा आधारित ढाका उद्योग व्यवसाय जुनकुनै स्थानमा पनि सजिलैसंग संचालन गर्न सकिने राम्रो आम्दानीको स्रोत भईरहेको बताए । उनले देशको सुदूर पूर्वदेखि सुदूर पश्चिम सम्म सबै ग्रामिण, अर्धशहरी तथा शहरी क्षेत्रहरुमा घरायसी एवं व्यवसायिक प्रयोजनका लागि ढाका कपडा तथा ढाका वस्तु उत्पादन गर्ने कार्य हुदै आएको बताए । 
यसबाट एकातिर ग्रामिण क्षेत्रमा स्व–रोजगार तथा रोजगार एवं आय वृद्धिमा महत्वपूर्ण भूमिका निर्वाह भएको छ भने अर्कोतिर अन्य मुलुकहरु खासगरेर अमेरिका, जापान, जर्मनी, क्यानडा, स्वीजरल्याण्ड, नेदरल्याण्ड लगायतका देशहरुमा निकासी भई वैदेशिक व्यापार घाटा न्यूनिकरण र वैदेशिक मुद्रा आर्जनमा समेत सहयोग पु¥याउदै आउनुका साथै आयातित कपडाहरुलाई प्रतिस्थापन गर्न सहयोग पु¥याउँदै आएको उनले जानकारि दिए । 
सो कार्यक्रममा महासंघका बरिष्ठ उपाध्यक्ष उमेशप्रसाद सिंह, उपाध्यक्ष मोहन कटुवाल लगायतको उपस्थिति रहेको थियो ।