logo

तीन महिनामै ४ अर्ब ८ करोड रूपैयाँको ल्यापटप भित्रियो , मोबाइलको आयात अझ धेरै 

    652   पटक पढिएको

१४ कात्तिक / अर्थ र व्यापार – चालू आर्थिक वर्ष २०७८÷७९ को बितेका तीन महिनामा ४ अर्ब ८ करोड रूपैयाँभन्दा बढीको ल्यापटप नेपाल भित्रिएको छ । गत आवको तुलनामा चालू आवको सो अवधिमा ल्यापटप तथा नोटबुकको आयात दोब्बरले वृद्धि भएको छ । 
चालू वर्षको बितेका तीन महिनामा ल्यापटपको आयात १६१ प्रतिशतले बढेको हो । अघिल्लो आर्थिक वर्षको तीन महिनाको तुलनामा यो आवको सो अवधिमा ल्यापटप आयात २ अर्ब रूपैयाँभन्दा बढीको भएको भन्सार विभागले जनाएको छ । 
भन्सार विभागका अनुसार चालू आर्थिक वर्षको बितेका तीन महिना साउनदेखि असोज मसान्तसम्ममा ४ अर्ब ८ करोड रूपैयाँको ल्यापटप तथा नोटबुक आयात भएको छ । कोरोना महामारिको प्रभावले लामो समय विद्यालय र कलेजहरू बन्द भई अनलाइन कक्षा सञ्चालन भएका कारण पछिल्लो समय नेपाली बजारमा ल्यापटपको माग अत्यधिक बढेपछि आयात पनि ह्वात्तै बढेको हो ।  
विभागका अनुसार गत आर्थिक वर्षको यही अवधिमा जम्मा १ अर्ब ५६ करोड रूपैयाँको मात्र ल्यापटप आयात भएको थियो । मूल्यमा मात्र नभएर अहिले संख्यामा पनि ल्यापटप आयात दोब्बरले वृद्धि भएको छ । गत आवमा २९ हजार १ सय ८ थान ल्यापटप नेपाल आयात भएकोमा चालू आवको बितेका तीन महिनाको अवधिमा ७४ हजार ५ सय १० थान ल्यापटप आयात भएको छ । 
गत असोज महिनामा मात्र झन्डै १ अर्ब रूपैयाँभन्दा बढिको ल्यापटप आयात भएको छ । नेपालमा २०७६ सालको चैत महिनामा सर्वप्रथम देखिएको कोरोना भाइरस संक्रमण र त्यसयता महामारी सुरु भएसँगै ल्यापटप र मोबाइलको माग ह्वात्तै बढेको थियो । सोही बेलादेखि निरन्तर माग बढेपछि नेपाली बजारमा आयात पनि बढिरहेको विभागले सार्वजनिक गरेको तथ्यांकमा उल्लेख छ । 
विभागका अनुसार सो अवधिमा ल्यापटप र नोटबुक मात्र नभएर विभिन्न ब्रान्ड र मोडलका नयाँ मोबाइलको आयात पनि निकै बढेको छ । यो अवधिमा यस्ता सामानको आयात ५४ प्रतिशतले बढेको छ । 
विभागले सार्वजनिक गरेको तथ्यांकअनुसार चालू आवको बितेका तीन महिनाको अवधिमा १७ अर्ब १७ करोड रूपैयाँको मोबाइल आयात भएको छ । यो अघिल्लो आर्थिक वर्षको तुलनामा ६ अर्ब रूपैयाँले बढी हो । गत आवमा जम्मा ११ अर्ब रूपैयाँको मात्र मोबाइल आयात भएको थियो । यस अवधिमा स्मार्ट फोनको आयात ५४ प्रतिशतले बढ्ेको विभागको तथ्यांकमा उल्लेख छ । मूल्यमा मात्र होइन, संख्यामा पनि ल्यापटप आयात दोब्बरले वृद्धि भएको विभागले जनाएको छ । 
अहिले कम्प्युटर, ल्यापटप, नोटबुकजस्ता डिभाइसहरू विद्यार्थीको पढाइ तथा अन्य कामका लागि अति आवश्यक उपकरणमा पर्छन् । हाल सरकारी तथा अन्य कार्यालयले पनि कागजी प्रक्रिया घटाएर अनलाइन वा कम्प्युटराइज्ड हिसाबले विवरणदेखि बिलिङ र भुक्तानीमा पनि डिजिटल प्रविधि अपनाउन थालिसकेका छन् । 
विद्यालय तथा कलेजमा पनि प्राविधिक विषयका साथै अन्य विषयका लागि पनि ल्यापटप र कम्प्युटर लगभग अपरिहार्य जस्तै भइसकेको छ । अहिले प्रायः सबै विषयमा व्यावहारिक अंक समावेश हुने हुनाले विद्यार्थीले प्रोजेक्ट वर्क पनि ल्यापटप वा कम्प्युटरकै सहारामा बनाउनुपर्ने हुन्छ । अझ गत वर्षदेखि कोरोनाका कारण भौतिक रूपमा काम गर्न नसकिएको र लामो समय मुलुक लकडाउ तथा निशेधाज्ञा भएपछि त ‘वर्क फ्रम होम’ तथा अनलाइन कक्षाका कारण अधिकांशले चाहेर वा नचाहेर पनि ल्यापटप, कम्प्युटर वा नसके स्मार्टफोन सम्म भए पनि जोडेर इन्टरनेट कनेक्सन लिएर आफ्नो काम र पढाइलाई अघि बढाउन बाध्य भएका थिए । सोही कारण पनि अहिले विगतका वर्षको भन्दा धेरै ल्यापटप र मोबाइल फोन आयात भएको विभागले जनाएको छ । 
भन्सार विभागले अद्यावधिक गरेको चालू आवको बितेका तीन महिनाको तथ्यांकअनुसार मुलुकको वैदेशिक व्यापारको अवस्थाबाट यस्तो देखिएको हो । यस अवधिमा सबैभन्दा धेरै ल्यापटप र स्मार्ट फोन छिमेकी मुलुक चीनबाट भित्रिएका छन् ।

तपाईको प्रतिक्रिया

सम्बन्धित शीर्षकहरु

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।