logo

बजेटको आकार घटाइयो ,सरकारले ल्यायो १६ खर्ब ३२ अर्ब ८३ करोडको प्रतिस्थापन बजेट 

७ प्रतिशत आर्थिक वृद्धिको लक्ष्य , दीर्घरोगीलाई मासिक ५ हजार भत्ता .शहीद परिवारलाई पनि जीविकोपार्जन खर्च

    125   पटक पढिएको


२५ भाद्र / अर्थ र व्यापार–  प्रतिपक्षि दल नेकपा एमालेका सांसदहरुको तिब्र अवरोध र नारावाजीकाबीच सरकारले १६ खर्ब ३२ अर्ब ८३ करोड रुपैयाँको नयाँ प्रतिस्थापन बजेट ल्याएको छ । अर्थमन्त्री जनार्दन शर्माले चालु आर्थिक वर्षको बजेटलाई अध्यादेश बजेट मार्फत प्रतिस्थापन गर्दै शुक्रबार पुनः नयाँ आकारको बजेट ल्याएका हुन् ।
उनले यसभन्दा अघिल्लो सरकारले गत १५ जेठमा अध्यादेश मार्फत ल्याएको बजेटको तुलनामा यो बजेटको आकार १६ अर्ब ७४ करोड रूपैयाँले घटाएका हुन् । तत्कालिन अर्थमन्त्री विष्णुप्रसाद पौडेलले त्यतिबेला कुल १६ खर्ब ४७ अर्ब ५७ करोड रुपैयाँको बजेट ल्याएका थिए ।  
शुक्रबार प्रतिस्थापन विधेयक मार्फत सरकारले तत्कालिन प्रधानमन्त्री केपी शर्मा ओली नेतृत्वको सरकारले अध्यादेश मार्फत ल्याएको चालु आर्थिक वर्षको बजेटको आकार घटाएर पुनः नयाँ ल्याएको हो । नेकपा एमालेका सांसदहरुको नारावाजी र अवरोधकाबीच अर्थमन्त्री जनार्दन शर्माले संसद्मा नयाँ बजेट प्रस्तुत गरेका हुन् । 
उनले यस नयाँ बजेटकालागि राजस्वबाट १० खर्ब ५० अर्ब ५२ करोड रुपैयाँ उठाउने लक्ष्य लिएको बताएका छन् । यसैगरी, वैदेशिक अनुदानबाट ५९ अर्ब ९२ करोड रुपैयाँ लिने लक्ष्य लिएका छन् । जसमध्येमा अझै ५ खर्ब २२ अर्ब ९ करोड रुपैयाँ नपुग हुने देखिएको छ । अपुग बजेटमध्ये २ खर्ब ८३ अर्ब ९ करोड रुपैयाँ वैदेशिक ऋणबाट र २ खर्ब ३९ अर्ब रुपैयाँ आन्तरिक ऋणबाट उठाईने लक्ष्य लिईएको छ ।
त्यसैगरी, प्रतिस्थापन बजेट मार्फत सरकारले चालु आर्थिक वृद्धिको लक्ष्य भने बढाएको छ । यस अघि साढे ६ प्रतिशतको आर्थिक वृद्धिको लक्ष्य रहेकोमा अहिले सो लक्ष्य वृद्धि गर्दै ७ प्रतिशत पुर्याइएको हो । यसैगरि, मुद्रास्फितिदर भने साढे ६ प्रतिशतमै राख्ने लक्ष्य यस बजेटले लिएको छ ।
अर्थमन्त्री शर्माले कोभिड १९ का प्रभावित नागरिकको जीवन रक्षा र शिथिल भएको मुलुकको अर्थतन्त्र पुनरुत्थानका लागि बजेट अभाव हुन नदिने बताएका छन । उनले यो विषय सरकारको उच्च प्राथमिकतामा रहेको समेत बताए । अर्थमन्त्री शर्माले अहिलेसम्म ५७ लाख ३० हजारले पहिलो मात्रा र ५१ लाखले दुवै मात्रा कोरोना बिरुद्धको खोप प्राप्त गरिसकेको जानकारी गराएका छन् । 
नयाँ बजेट मार्फत सरकारले दीर्घरोगीलाई मासिक ५ हजार भत्ता उपलब्ध गराउने भएको छ । यसैगरि, शहीद परिवारलाई पनि जीविकोपार्जन खर्च दिने भएको छ । सरकारले मिर्गौला तथा मेरुदण्डका दीर्घरोगी बिरामीलाई मासिक ५ हजार रूपैयाँ भत्ता दिइने छ । यसअघि प्रधानमन्त्री शेरबहादुर देउवा नेतृत्वकै सरकारले यो निर्णय गरेको भए पनि तत्कालिन प्रधानमन्त्री ओली नेतृत्वको सरकारदेखि हालसम्म कार्यान्वयनमा आएको थिएन ।
अहिले प्रधानमन्त्री देउवा नेतृत्वको सरकारले नयाँ बजेट मार्फत यो सुविधान उपलब्ध गराउन लागेको हो । यसैगरि, सरकारले विभिन्न राजनीतिक तथा परिवर्तनका आन्दोलनमा वलिदान गर्ने परिवार (शहीद) लाई जीवनवृत्ति स्वरूप मासिक ३ हजार रुपैयाँ प्रदान गरिने भएको छ । यो वर्तमान सरकारको जनताबीच पपुलर हुने खालको बजेट हो । 
त्यसैगरि, अर्थमन्त्री शर्माले शुक्रबार ल्याईएको प्रतिस्थापन बजेट विधेयकमा बहुआयामिक गरिबी घटाउने, उच्च आर्थिक दर कायम गर्ने र समावेशी आर्थिक नीति अवलम्बन गर्ने लगायत महत्वपूर्ण विषय समावेश रहेको बताएका छन ।
कुल विनियोजन मध्ये संघको चालु खर्च ६ खर्ब ७७ अर्ब १९ करोड अर्थात ४१.४२ प्रतिशत, पुँजीगत तर्फ ३ खर्ब ७८ अर्ब १० करोड रूपैयाँ अर्थात २३.१६ प्रतिशत र वित्तीय व्यवस्थातर्फ १ खर्ब ८९ अर्ब ४४ करोड अर्थात ११.६ प्रतिशत तथा प्रदेश र स्थानीय तहतर्फ वित्तीय हस्तान्तरण मार्फत ३ खर्ब ८७ अर्ब ३० करोड अर्थात २३.७२ प्रतिशत बजेट छुट्याईएको छ । 
वित्तीय हस्तान्तरण मध्ये चालु खर्चमा समानिकरण अनुदानसहित ३ खर्ब २५ अर्ब ७५ करोड अर्थात ८४.११ प्रतिशत र पुँजीगत तर्फ ६१ अर्ब ५५ करोड अर्थात १५.८९ प्रतिशत बजेट विनियोजन गरिएको छ । यसैगरि, चालु आर्थिक वर्षको अनुमान गरिएको खर्चको व्यहोर्ने स्रोत मध्ये राजस्वबाट १० खर्ब ५० अर्ब ८२ करोड रुपैयाँ र वैदेशिक अनुदानबाट ५९ अर्ब ९२ करोड रुपैयाँ व्यहोरिने लक्ष्य राखिएको छ । 
त्यसैगरि, चालु, पुँजीगत र वित्तीय हस्तान्तरणतर्फ विनियोजन खर्चमा राजस्व र वैदेशिक अनुदानबाट व्यहोर्दा न्यून हुन जाने रकम ५ खर्ब २२ अर्ब ९ करोड रूपैयाँ मध्ये आन्तरिक ऋणबाट २ खर्ब ३९ अर्ब रुपैयाँ र वैदेशिक ऋणबाट २ खर्ब ८३ अर्ब ९ करोड रुपैयाँ व्यहोरिने अर्थमन्त्रालयले जनाएको छ ।

भ्रमण र इन्धन खर्चमा १० प्रतिशत कटौती
यस नयाँ बजेटमा सरकारले उच्च पदस्थहरुलाई वितरण गरिँदै आएको इन्धन र भ्रमण खर्च १० प्रतिशत कटौती गरेको छ । सरकारले भत्ता, इन्धन र भ्रमण खर्चको १० प्रतिशत बजेट कटौती गरेको हो । अर्थमन्त्री शर्माले अध्यादेश प्रस्तुत गर्दा इन्धन, भत्ता, सवारी लगायत मर्मतमा न्यूनतम १० प्रतिशत बजेट कटौती गरिएको बताए । कटौतीबाट बचत भएको ५ अर्ब रुपैयाँ कोरोना महामारि विरुद्धको खोप खरिदमा प्रयोग गरिने समेत अर्थमन्त्री शर्माले जानकारि दिए । 

तपाईको प्रतिक्रिया

सम्बन्धित शीर्षकहरु

मुख्य खबर

महानगरद्धारा कर नतिर्ने ५२ करदाताको नाम सार्वजनिक 

काठमाडौँ महानगरपालिकाले घरजग्गा र सम्पत्ति कर नबुझाउने ५२ करदाताको नामवली सार्वजनिक गरेको छ ।

सत्तारुढ गठबन्धनको प्राथमिकताः चैतसम्म सबै नेपालीलाई खोप र विदेशमा रहेका नेपालीलाई मतदानको अधिकार

सत्तारुढ गठबन्धनले गठन गरेको कार्यदलले संयुक्त सरकारका ११ वटा प्राथमिकता र १० वटा नीति तथा कार्यक्रमलाई समावेश गर्दै प्रतिवेदन तयार गरेको हो ।

निर्वाचन आयोगद्वारा लेखा प्रतिवेदन नबुझाउने ४१ दलको दर्ता खारेज

निर्वाचन आयोगले तीन वर्षसम्म लेखा प्रतिवेदन नबुझाउने विभिन्न ४१ वटा राजनीतिक दलहरूकोे दर्ता खारेज गरेको छ । 

भुक्तानी नपाएपछि पुनः आन्दोलन गर्ने तयारीमा उखु किसान

किसानहरुलाई कमजोर, निमुखा सम्झेर फेरि पनि रकम नदिने षड्यन्त्र उद्योगी र सरकारबाट भएको भन्दै भदौ ५ गतेसम्म बक्यौता भुक्तानी नपाए पुनः आन्दोलन गर्ने चेतावनी किसानहरुले दिएका छन् ।

मनोरञ्जन

युट्युव बन्यो १० अर्ब डाउनलोड हुने विश्वकै पहिलो एप

गूगलको सहायक कम्पनीको रूपमा सञ्चालित भिडिओ स्ट्रिमिङ प्लेटफर्म युट्युव १० अर्ब डाउनलोड पुरा गर्ने विश्वकै पहिलो एप बनेको छ ।

कमल खनालको रुमाल बोलको गीत सार्वजनिक

गायक तथा सर्जक कमल खनालको शब्द र संगीत रहेको रुमाल बोलको गीत सार्वजनिक भएको छ । गीतमा गायिका अन्जु पन्त र गायक तथा सर्जक कमल खनालको स्वर रहेको

चन्द्रागिरि हिल्सको आइपीओमा आवेदन दिने सबैले केबलकारमा २५ प्रतिशत छुट पाउने

चन्द्रागिरि हिल्सले कम्पनीको आइपीओमा आवेदन दिने सबैलाई केबलकार यात्रामा २५ प्रतिशत छुट दिने भएको छ ।