२७ साउन / अर्थ र व्यापार – यस साता शेयर बजारमा सूचक र कारोबार रकम दुबै घटेको छ । कारोबारमा आएका अधिकाशं उपसूचकमा गिरावट आउँदा नेपाल स्टक एक्सचेन्ज(नेप्से)को कारोबार मापक सूचक घटेको हो । यस साता सूचक पहिलो दिनको तुलनामा ११.५२ अंकले घटेर १६५३.५३ अंकमा ओर्लिएको छ । यसैगरी ‘क’ बर्गका कम्पनीहरुको कारोबार मापन गर्ने सेन्सेटिभ इन्डेक्स २.०८ अंकले घटेर ३४७.०३ अंकमा ओर्लिएको छ ।

यस साता नौ समूहको कारोबार भएको थियो । कारोबारमा आएका बित्त, होटल र अन्य बढेका छन् भने ब्यापार समूहमा कुनै फेरबदल भएन । बाँकी सबै उपसूचक घटेको छ । वाणिज्य बैंक १६.९१, विकास बैंक २०.७९, जलबिद्युत २५.६५, बीमा ४.४६ र उत्पादनमुलक १६.२४ अंकले घटेको छ । वित्त ११.३१, होटल १६.५४ अंकले बढेको छ। यस साता शेयर बजारमा १६८ कम्पनीका शेयरहरु खरिद बिक्री भए । ३४ हजार सात सय ७३ कारोबारमा तीन अर्ब ८१ करोड ८४ लाख ६० हजार रुपैयाँ बराबरका २१ लाख तीन हजार पाँच सय ८० कित्ता शेयर खरिद बिक्री भएका हुन् ।

कारोबार रकम गत साताको भन्दा २७.३० प्रतिशत कम हो । साताभर बजार घटेको भएपनि गएको एक महिनामा बजार ६५.९६ अंकले बढेको थियो । गएको महिना छोटो समयकालागि नाफा गर्ने उदेश्य राखेर शेयर खरिद गरेका लगानीकर्ताले नाफा बुक गर्न बिक्री चाप बढाउँदा बजार घटेको हो ।

बजारमा तरलता समस्या केही हदसम्म लचक भएकोले आगामी दिनमा बजारमा सुधार हुने संभावना रहेको छ ।  बजारमा आठ अर्बको पूँजी वृद्धि हुँदा थपिएको शेयरलाई बजारले स्वीकार गर्नुले पनि बजारमा यो स्थिती देखिएको हो । बैंक, बीमा, जलविद्युतका शेयर नेप्सेमा लगातार थपिएका छन् र यो अनुपातलाई हेर्ने हो भने बजज्ञछार निक्कै घट्नु पर्थ्यो तर बजारमा थपिएका नयाँ लगानीकर्ता र रकमले बजारलाई स्टेबल बनाउन सहयोग गरेको छ ।

यस साता कारोबार रकमको आधारमा नागरिक लगानी कोषको सबैभन्दा बढी शेयर कारोबार भयो । कारोबार रकमको आधारमा नागरिक लगानी कोषको सबैभन्दा बढी कारोबार भएको छ । यस साता नेप्सेको कारोबर कक्ष नियमित कारोबारकालागि चार दिन खुला भयो ।

यस साता सूचीकरणतर्फ जनउत्थान सामुदायिक लघुवित्त बिकास बैंकको बोनस शेयर र हिमालयन पावर पार्टनरको साधारण शेयर नेप्सेको कारोबार कक्षमा सुचिकृत भएका छन् ।