logo

एनसेलको एक कित्ता सेयर १ लाख २४ हजारमा खरिद बिक्री ,साधारण होइन ओटीसी कोरोकार 

    746   पटक पढिएको

५ मंसिर/अर्थ र व्यापार – मलेसियन लगानीको दूरसञ्चार कम्पनी एनसेल पब्लिक कम्पनी भए पनि सर्वसाधारणको लागि भने सेयर जारी गरेको छैन् । तर, यो कम्पनीको सेयर नेपाल स्टक एक्सचेन्ज लिमिटेड (नेप्से)को ओभर दि काउन्टर (ओटीसी) भने प्रति कित्ता नै एक लाख २४ हजार एकसय रुपैयाँमा कारोबार भएको छ । 
एनसेलको गत १९ साउनमा एक कित्ता मात्रै सेयर किनबेच गरेको नेप्सेले उपलब्ध गराएको तथ्यांकमा उल्लेख छ । सो तथ्यांक अनुसार एनसेलको एक कित्ता सेयर किनबेच कबिन मूल र सम्पन्नराज भट्टले गरेका हुन् । 
भट्टको नाममा रहेको एक कित्ता सेयरलाई एकलाख २४ हजार एकसय रुपैयाँमा मूलले खरिद गरेको उल्लेख छ । नेप्सेका प्रवक्ता मुराहरि पराजुलीले नेप्सेमा सूचीकृत नभएका तर, पब्लिक कम्पनी छन भने तिनको किनबेच ओटीसीबाटै हुन्छ । ओटीसीमा एक कित्ताभन्दा माथि जति पनि कारोबार गर्न पाइन्छ । यस्तो कारोबार गर्दा कुनै सीमा नहुने र किन्ने र बेच्नेको सहमति भए महंगोमा कारोबार गर्नलाई कुनै रोकतोक हुँदैन् । 
उनले भने, ‘हामीले उक्त कम्पनीको नेटवर्थ चाहिँ हेर्ने भए पनि किन्ने र बेच्नेको आपसी सहमतिमा किनबेच्न गर्न सक्ने भएकोले पनि एनसेलको एक कित्ताकै एक लाख भन्दा बढी मूल्यमा कारोबार भएको हो ।
कम्पनी रजिष्टारको कार्यालयमा जति कम्पनी दर्ता भए पनि नेप्सेमा सूचीकृत कम्पनी भने ३१८ मात्रै छन् । यीबाहेक कर्णालीमा भएको कुनै कम्पनी किनबेच गर्दा होस् वा काठमाडौंको कम्पनीको स्वामित्व परिवर्तन हुँदा होस् कारोबार ओटीसीमै हुन्छ । त्यहाँ हुने कारोबार धेरै नहुने, सधैं नहुने हुँदा थोरै कित्ता पनि हुन्छ ।’
एनसेलले ओटीसीमा नै एक कित्ताकै एकलाख भन्दा बढी मूल्यमा किनबेच गरेको कारण यो कम्पनी सर्वसाधारणलाई सेयर जारी गर्दा भने यसको सेयर मूल्य कति होला ? किन एक कित्ता मात्रै किनबेच भयो ? त्यो पनि महंगोमा भन्नेमा चाहिँ आम सर्वसाधारणको रुचीको विषय भएको छ ।
नेपालमा दूरसञ्चार सेवा प्रदायक कम्पनीको रूपमा दर्ता भएको यस कम्पनीले हाल मोबाईल सेवा प्रदान गरिरहेको छ । कम्पनी ऐन २०६३ अनुसार पाँच करोडभन्दा बढी चुक्ता पुँजी भएको दूरसञ्चार सेवा प्रदायक कम्पनी पब्लिक हुनुपर्ने व्यवस्था छ । सोही व्यवस्था अनुसार एनसेल पब्लिक कम्पनी भइसकेको भए पनि यसले सर्वसाधारणको लागि सेयर भने जारी गरेको छैन् । 
नेप्सेका अनुसार चालू आर्थिक वर्षको पाँच महिनामा ३२ वटा कम्पनीको एक करोड १९ लाख २१८ कित्ता शेयरको किनबेच भएको छ । यस्तो किनबेचबाट एक अर्ब ५० करोड ३१ लाख एक हजार ३१ रुपैयाँ कारोबार भएको पनि उल्लेख छ । यस्तो कारोबारमा प्रति कित्ता एक हजार ६० रुपैयाँसम्ममा कारोबार गर्ने कम्पनी पनि छ ।
हाइड्रो कल्सल्टिङ इन्जिनियरिङले २९ हजार २९३ कित्ता शेयर गत साउन ५ गते एक हजार ६० रुपैयाँमा कारोबार गरेको छ । ओटीसीमा भएको यो वर्षको सबैभन्दा धेरै कित्तामा भने सगरमाथा जलविद्युत् कम्पनीको ३४ लाख ५७ हजार १६७ कित्ता रहेको पनि उल्लेख छ । 

तपाईको प्रतिक्रिया

मुख्य खबर

यूएनडीपीको निष्कर्ष: धनीका कारण गरिब देश झन पछाडि परे, मानव विकास सूचकांकमा नेपालको स्थिति मध्यम

धनी देशले मानव विकास लक्ष्य हासिल गर्दागर्दै गरिब देश झनै पछाडि परेको निष्कर्ष संयुक्त राष्ट्र संघीय विकास कार्यक्रम (यूएनडीपी) ले निकालेको छ ।

ललिता निवास क्षेत्र खाली गर्न काठमाडौं महानगरले दियो ७ दिने म्याद

काठमाडौं महानगरपालिकाले कामनपा वडा नं. ४ मा रहेको बालुवाटारस्थित ललिता निवास क्षेत्रबाट आफैँ हट्न व्यक्ति, कम्पनी र संघसंस्थाहरुलाई अनुरोध गरेको छ ।

ल्याण्डमार्क होटल्स एण्ड रिसोर्टको भैरहवामा नयाँ होटल सञ्चालनमा, भारतिय र श्रीलंकाका पर्यटकहरुलाई आकर्षित गर्ने योजना

ल्याण्डमार्क होटल्स एण्ड रिसोर्टले भैरहवामा होटल ल्याण्डमार्क भैरहवा सञ्चालनमा ल्याएको छ । ल्याण्डमार्क होटल्स एण्ड रिसोर्टले यसअघिदेखि नै पोखरा, चितवन र काठमाडौँमा ल्याण्डमार्क होटल

भ्रष्टाचारको छानबिनमा आयोगलाई सरकारको पूर्ण सहयोग रहन्छ: प्रधानमन्त्री

प्रधानमन्त्री पुष्पकमल दाहालले भ्रष्टाचारजन्य घटना छानबिन र अनुसन्धानमा अख्तियार दुरुपयोग अनुसन्धान आयोगलाई सरकारको पूर्ण समर्थन र सहयोग रहने बताएका छन् ।

मनोरञ्जन

१० करोड रुपैयाँ लगानीको दीपक र दीपाको सिनेमा हल संचालनमा

कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।

पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड

नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।