सुनको मूल्य बढेर नयाँ रेकर्डमा, प्रतितोला झन्डै २ लाख रुपैयाँ

374 पटक पढिएको

९ वैशाख/अर्थ र व्यापार– नेपाली बजारमा सुनको मुल्य अत्यधिक बढेर नयाँ रेकर्ड बनाएको छ । मूल्यमा बढोत्तरीले दैनिक एकपछि अर्को गर्दै कीर्तिमानी बनाउँदै सुनको मुल्य प्रतितोला झन्डै २ लाख रुपैयाँ नजिक पुगेको छ ।
नेपाली बजारमा छापावाल सुनको कारोबार मूल्य मंगलबार प्रतितोला १ लाख ९७ हजार ९ सय रुपैयाँ कामय भएको नेपाल सुनचाँदी व्यवसायी महासंघले जनाएको छ ।
नेपाल सुनचाँदी व्यवसायी महासंघका अनुसार अघिल्लो कारोबार दिन सोमबारको तुलनामा मंगलबार सुन प्रतितोला ६ हजार ९सय रुपैयाँ बढेर सो नयाँ रेकर्ड बनाएको हो । यसअघि सुनको मुल्य १ हजार २ सय रुपैयाँले बढेर सोमबार प्रतितोला १ लाख ९१ हजार रुपैयाँ पुगेको थियो ।
आइतबार प्रतितोला १ लाख ८९ हजार ८सय रुपैयाँ कायम भएको थियो । दुई दिनमा सुनको मूल्य प्रतितोला ८ हजार १ सय रुपैयाँले बढेको महासंघले जनाएको छ ।
यसैगरी, चाँदी मुल्य पनि प्रतितोला १० रुपैयाँले बढेको छ । मंगलबार चाँदीको कारोबार मूल्य प्रतितोला १ हजार ९ सय ७० रुपैयाँ भएको छ । सोमबार तोलाको १ हजार ९ सय ६० रुपैयाँमा कारोबार भएको थियो ।
महासंघका अनुसार अन्तर्राष्ट्रिय बजारमा सोमबार प्रतिऔंस ३३ सय १५.१३ डलरले कारोबार भएको सुन मंगलबार थप बढेर प्रतिऔंस ३४ सय ८६.१६ डलर पुगेको छ । चाँदी पनि प्रतिऔंस ३२.४ डलरबाट बढेर ३२.८८ डलर कायम भएको छ ।

तपाईको प्रतिक्रिया

सम्बन्धित शीर्षकहरु

सुनको मूल्य नयाँ रेकर्डमा

सुनको मुल्य एकैदिन प्रतितोला ५ हजार ३०० रुपैयाँले बढ्योे