२४ जेठ/अर्थ र व्यापार – सुनको मूल्य अत्यधिक बढेर नयाँ रेकर्ड कायम भएको छ । बिहीबार छापावाल सुन प्रतितोला १ लाख ४४ हजार रुपैयाँ कायम भएको छ । यसैगरी, तेजावी सुन प्रतितोला १ लाख ४३ हजार ३ सय रुपैयाँ र असली चाँदी १ हजार ८ सय ५० रुपैयाँ कायम भएको छ ।
दुई दिनमै सुनको मूल्य बढेर नयाँ रेकर्ड बनाएको हो । अघिल्लो दिनको तुलनामा बिहीबार सुनको मुल्य प्रतितोला १८ सय रुपैयाँले बढेको छ ।
बुधबार प्रतितोला १ लाख ४२ हजार २ सय रुपैयाँ रहेको छापावाल सुन बिहीबार प्रतितोला १ लाख ४४ हजार रुपैयाँमा पुगेको छ । यसअघि गत मंगलबार हालसम्मकै उच्च मुल्य बढेर प्रतितोला १ लाख ४२ हजार ७ सय रुपैयाँ पुगेको थियो ।
अन्तर्राष्ट्रिय बजारमा भने गत ७ जेठमा उच्च मूल्य बढेर सुनको मुल्य प्रतिऔंस २ हजार ४ सय ५० डलरसम्म पुगेको थियो । बिहीबार प्रतिऔंस २ हजार ३ सय ६८ डलर कायम भएको छ ।
नेपालमा सरकारले सार्वजनिक गरेको नयाँ बजेटमार्फत भन्सार दर ५ प्रतिशत विन्दु बढेपछि अन्तर्राष्ट्रिय बजार भन्दा उच्च दरले सुन महँगिएको हो । चाँदीको मुल्य बिहीबार प्रतितोला २५ रुपैयाँ बढेर १८ सय ५० रुपैयाँ कायम भएको छ ।
तपाईको प्रतिक्रिया