६ जेठ/अर्थ र व्यापार – पछिल्लो सयम निरन्तर उकालो लार्गिरहेको सुनको भाउले आइतबार फेरि उच्च रेकर्ड बनाएको छ । गत बिहीबार त्यसअघिका सबै रेकर्ड तोडेर प्रतितोला छापावाल सुन १ लाख ४० हजार पुगेको थियो । शुक्रबार भने ७ सय घटेको थियो ।
आइतबार फेरि प्रतितोला छापावाल सुन १ हजार ६ सय रुपैयाँ बढेर १ लाख ४० हजार ९ सय रुपैयाँ कायम भएको नेपाल सुनचाँदी व्यवसायी महासंघले जनाएको छ । अन्तर्राष्ट्रिय बजारमा मूल्य बढ्दा नेपाली बजारमा पनि यसको प्रत्यक्ष असर परिरहेको छ ।
चाँदीको मूल्यमा पनि नयाँ रेकर्ड बनेको छ । अघिल्लो कारोबार दिन शुक्रबार प्रतितोला १ हजार ८ सय रुपैयाँमा कारोबार भएको चाँदीको मुल्य बढेर आइतबार प्रतितोला १ हजार ९ सय १० रुपैयाँ पुगेको छ ।
जसका कारण अहिले नेपाली बजारमा सुनको मुल्य अत्यधिक बढेर कारोबार नै गर्न नसकिने अवस्था आएको महासंघले जनाएको छ ।
तपाईको प्रतिक्रिया