४ साउन/अर्थ र व्यापार– ताप्लेजुङका किसानले अलैँचीको बिक्रीबाट एक वर्षमै एक अर्ब ३५ करोड आम्दानी गरेका छन् ।  

प्रधानमन्त्री कृषि आधुनिकीकरण परियोजना अलैँची जोन कार्यलय ताप्लेजुङका अनुसार दुई हजार मेट्रिक टन अलैंचीको बिक्रीबाट किसानले एक अर्ब ३५ करोडभन्दा बढीे आम्दानी लिएकोे जनाएको छ । 

ताप्लेजुङका अलैँची जोनबाट यो बर्ष दुई हजार छ मेट्रिक टन उत्पादन भएकोमा करिब ६ मेट्रिक टन अलैँची मात्र ताप्लेजुङमा खपत भएको तथ्याङ्कले देखाएको छ । 

अलैँची जोनका कृषि विकास अधिकृत शम्भुप्रसाद देवले अलैँची जोनले ताप्लेजुङमा तीन हजार ७०० हेक्टर क्षेत्रफल ओगटे पनि तीन हजार ४०० हेक्टर क्षेत्रफल मात्र उत्पादनशील क्षेत्र रहेको बताए । 

जिल्लामा रहेका कूल ६१ वडामध्ये प्रधानमन्त्री कृषि आधुनिकीकरण परियोजना अलैँची जोनले ३९ वटा वडामा कार्यक्षेत्र बनाएर कार्यक्रम गर्दैआएको अलैँची जोन ताप्लेजुङले जनाएको छ ।