logo

आयात नियन्त्रणमा सरकार चुक्यो, एघार महिनामा १७ खर्ब ६३ अर्ब २२ करोड रुपैयाँको बस्तु भित्रियो

    156   पटक पढिएको

१२ असार/अर्थ र व्यापार– स्वदेशी उत्पादनको प्रवद्र्धन र विदेशी मुद्राको सञ्चितिमा देखिएको संकटपूर्ण अवस्थाबाट पार पाउन भन्दै नेपाल राष्ट्र बैंक र उद्योग, वाणिज्य तथा आपूर्ति मन्त्रालय लगायत पुरै सरकारी संयन्त्रले विदेशी बस्तुहरुको आयातमा कडाइ गरे पनि आयात रोकिएको छैन ।
विलासिताका बस्तुहरुलाई त पूर्ण रुपमा भित्रिनै नदिने नीति लिएको सरकार प्रयास भन्दा बिपरित चालु आर्थिक वर्ष २०७८÷७९ को वितेका एघार महिनाको अवधीमा १७ खर्ब ६३ अर्ब २२ करोड रुपैयाँ भन्दाबढीको विदेशी वस्तुको आयात भएको भन्सार विभागले जनाएको छ ।
भन्सार विभागले सार्वजनिक गरेको चालु आर्थिक वर्षको वितेका एघार महिना गत जेठ मसान्तसम्मको तथ्यांक विभिन्न देसबाट नेपाल भित्रिने बस्तुहरुको आयातको अवस्था यस्तो देखिएको हो । विभागको तथ्यांक अनुसार सो अवधीमा आयातको अवस्था गत आवको तुलनामा २७ दशमलब ५ प्रतिशतले बृद्धि भएको देखिएको छ ।
यो तथ्यांकलाई आधार मानेर विश्लेषण गर्दा अहिलेसम्म आयात नियन्त्रणकालागि सरकारका विभिन्न निकाएबाट भएका प्रयास नै विफल भएको पाईएको सम्बन्धीत सरोकारवालाहरुले बताएका छन । उनीहरुले यसलाई सरकारी अकर्मयता समेत भनेका छन ।
दैनिक उपभोग्य बस्तुहरुदेखि देसको हरेक क्षेत्र आयातमै निर्भर भएर मुलुकको ढुकुटी नै रित्तिएर वैदेशिक मुद्रा संचितीको चरम संकटबाट पार पाउनकालागि नेपाल राष्ट्र बैंकले यसअघि दुई पटक सूचना जारी गरेर विभिन्न बस्तुको आयातमा कडाइ गरेको थियो ।
यसैगरि, उद्योग मन्त्रालयले पनि आयात नियन्त्रणकालागि विभिन्न दस वस्तुको सूचि नै राजपत्रमा प्रकाशन गरेर त्यस्ता बस्तु नेपाल भित्राउन प्रतिबन्ध नै लगाए पनि अझै आयात घट्नुको साटो उल्टै बढ्दै गएको देखिएकाले आफुहरुलाई अचम्म लागेको उनीहरुको भनाई छ । यसअघि सरकारले गरेको अनेक प्रयास भन्दा बाहिर गएर दैनिक आयात बढ्नु सरकारकै कमजोरी भएको सम्बन्धीत सरोकारवालाहरुको दावी छ ।
भन्सार विभागले जानकारि गराए अनुसार चालु आवको वितेका एघार महिनाको अवधिमा नेपालले विभिन्न देशबाट कुल १७ खर्ब ६३ अर्ब २२ करोड रुपैयाँको विदेशी वस्तुको आयात भएको छ । गत आर्थिक वर्षकोे सोही अवधिमा नेपालले जम्मा १३ खर्ब ८३ अर्ब ३६ करोड रुपैयाँ बराबरको सामान आयात गरेको थियो ।
विभागका अनुसार सो अवधीमा करिब ५ अर्ब रुपैयाँ भन्दाबढीको विद्युतीय गाडी नेपाल भित्रएको छ । सो अवधीमा १७ सय बढी विद्युतीय गाडी नेपाल भित्रिएका छन् । भन्सार विभागले सार्वजनिक गरेको गत साउनदेखि जेठ मसान्तसम्मको तथ्यांक अनुसार एकहजार ७०४ विद्युतीय गाडी नेपाल भित्रिएका हुन् ।
गत आर्थिक वर्षको एघार महिनाको तुलनामा चालु आवमा विद्युतीय सवारीसाधनको आयातमा ७०० प्रतिशतले बढेको छ । गत आर्थिक वर्ष २०७७÷७८ को एघार महिनाको अवधिमा जम्मा २१३ विद्युतीय गाडी आयात भएका थिए ।
विभागका अनुसार यो अवधीमा सबैभन्दा धेरै विद्युतीय गाडी चीनबाट भित्रिएका छन् । चीनबाट १०० किलोवाटका १५४ र १५० देखि २०० सम्म किलोवाट क्षमताका ६५६ गरी ८१० गाडी नेपाल भित्रिएका छन् । चीनपछि भारतबाट धेरै विद्युतीय गाडी नेपाल भित्रिएका छन् । भारतबाट १०० किलोवाट क्षमताका ६०८, दक्षिण कोरियाबाट १०० किलोवाट क्षमताका १३२ र फ्रान्सबाट एक गाडी नेपाल भित्रिएका छन् ।
यसैगरि, युकेबाट १०० दखि १५० किलोवाट क्षमताका १३, चीनबाट १५० देखि २०० किलोबाट क्षमताका ६५६, दक्षिण कोरियाबाट १०० देखि २०० किलोवाट क्षमताका ५२, जापानबाट ७८, युकेबाट चार गाडी नेपाल आएका छन् । युकेबाट २००देखि ३०० किलोवाट क्षमताका चार र युकेबाटै ३०० क्षमताभन्दा माथिका दुई विद्युतीय गाडी नेपाल भित्रिएका हुन् ।
गत वैशाखमा न्यून मात्रामा विद्युतीय गाडी भित्र्याइएकामा जेठमा वृद्धि भएको छ । गत वैशाखको तुलनामा जेठमा मात्रै १५३ विद्युतीय गाडी नेपाल भित्रिएका हुन् । वैशाखमा ७८ मात्रै विद्युतीय गाडी नेपाल भित्रिएका थिए ।
पाँच अर्ब रुपैयाँ बढीका विद्युतीय गाडी नेपाल भित्रिएका छन् । भन्सार विभागका अनुसार जेठ मसान्तसम्म एक हजार ७०४ विद्युतीय गाडी नेपाल भित्रिँदा पाँचअर्ब ५ करोड १६ लाख १३ हजार रुपैयाँ बाहिरएको थियो । यसरी भन्सार नाकाबाट भित्रिएको विद्युतीय गाडी आयातबाट सरकारले एकअर्ब ३५ करोड ४१ लाख बराबर राजस्व संकलन गरेको छ । सरकारले डिजेल तथा पेट्रोलबाट सञ्चालित हुने गाडीको आयातमा रोक लगाउँदा विद्युतीय गाडी आयातमा वृद्धि भएको बताइएको छ ।
यस अवधीमा तेल आयातको अवस्था पनि बढेको छ । यसरी बृद्धि भएको आयातसँगै राजश्वमा समेत बृद्धि भएको विभागले जनाएको छ । विभागको तथ्यांक अनुसार गत वैशाख महिनामा यस्ता आयातबाट राजश्व संकलनमा कमी आएको देखिएपनि पुनः जेठ महिनामा राजश्व संकलन बृद्धि भएको छ ।
गत बैशाखसम्म ३४ अर्ब ३५ करोड ८ लाख ४४ हजार रुपैयाँ राजश्व संकलन भएको थियो । जेठ महिनामा ४१ अर्ब १८ करोड ५३ लाख ६३ हजार रुपैयाँ राजश्व संकलन भएको छ । एक महिनामा यस्ता बस्तु आयातबाट राजश्व संकलन १९ दशमलब ८२ प्रतिशतले बढेको छ ।
गत बैशाख महिनाको तुलनामा जेठ महिनामा मात्रै ६ अर्ब ८३ करोड ४५ लाख १९ हजार रुपैयाँ संकलन भएको देखिएको छ । फागुन महिनामा मात्रै ३९ अर्ब ३३ करोड रुपैयाँ बराबरको राजश्व संकलन भएकोमा चैत महिनामा ३८ अर्ब २४ करोड ६० लाख ६५ हजार रुपैयाँ बराबरको राजश्व संकलन भएको थियो । त्यसैगरि, गत महिनाको तुलनामा चैत महिनामा १ अर्ब ८ करोड ४१ लाख २१ हजार रुपैयाँले राजश्व संकलनमा कमी आएको छ । गत माघ महिनामा ३६ अर्ब ७ करोड र गत पुस महिनामा ४० अर्ब २७ करोड रुपैयाँ बराबरको राजश्व संकलन भएको थियो ।
यसैगरी, नेपालले चालु आर्थिक वर्षको सोही अवधीमा कुल १ खर्ब ८५ अर्ब ८३ करोड रुपैयाँ बराबरको स्वदेशी वस्तुको निर्यात गरेको छ । गत आवको सोही अवधिमा १ खर्ब २१ अर्ब २५ करोड रुपैयाँ बराबरको निर्यात भएको थियो । गत आवको तुलनामा चालु आवमा ५३ दशमलब ३ प्रतिशतले निर्यातमा बृद्धि भएको देखिएको छ ।
भन्सार विभागका अनुसार निर्यात पनि हाल सम्मकै उच्च देखिएको छ । ११ महिनाको तथ्यांक अनुसार कुल ११ महिनामा एक खर्ब ८५ अर्ब रुपैयाँ बराबरको वस्तु निर्यात भएको छ । यो हालसम्मकै उच्च हो । अघिल्लो आवको सोही अवधिको तुलनामा निर्यात ५३ दशमलब ३ प्रतिशतले बढी हो ।

तपाईको प्रतिक्रिया

सम्बन्धित शीर्षकहरु

मुख्य खबर

शर्मा फेरि अर्थमन्त्रालय फर्किए, प्रमुख प्रतिपक्षि दल एमालेको असन्तुष्टी कायमै

अर्थमन्त्री जर्नादन शर्मा पुनः अर्थमन्त्रालय फर्किएका छन ।

जनार्दन शर्मा फेरि अर्थमन्त्रीमा नियुक्त हुँदै

अर्थमन्त्रीमा पुनः जनार्दन शर्मा नियुक्त हुने भएका छन् ।

संसदीय छानबिन समितिमा निवर्तमान अर्थमन्त्री शर्माले दिए तीनघण्टाको बयान

संसदीय विशेष छानबिन समितिले निवर्तमा अर्थमन्त्री जनार्दन शर्मासँग बिहीबार बिहान करिब तिन घण्टा बयान लिएको छ ।

आर्थिक वर्षको अन्त्यमा एकैदिन सरकारले ग¥यो २४ अर्ब २१ करोड रुपैयाँ खर्च

शनिबारदेखि समाप्त भएको आर्थिक वर्ष २०७८/७९को अन्त्यमा आएर एकैदिन सरकारले २४ अर्ब २१ करोड ४१ लाख रुपैयाँ खर्च गरेको छ ।

मनोरञ्जन

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।

प्रथम रेडियो सान्भी म्युजिक अवार्ड २०७८ आयोजना हुने 

विरगंज ९– पिसि मिडिया प्रालिद्वारा सञ्चालित तथा वीरगंजबाट प्रसारित रेडियो सान्भीले आगामी २२ कात्तिकमा ‘प्रथम रेडियो सान्भी म्युजिक अवार्ड २०७८’ आयोजना गर्ने भएको छ । नेपाल पत्रकार महासंघको सभाकक्षमा पत्रकार सम्मेलन आयोजना गर्दै रेडियो सान्भीले आगामी २२ कात्तिकमा प्रथम रेडियो सान्भी म्युजिक अवार्ड २०७८ आयोजना गर्ने जनाएको हो ।