logo

शोधनान्तर घाटा बढेर १ खर्ब ९५ अर्ब नाग्यो, चालु खाता घाटा ऐतिहासिक, मुल्यबृद्धि उच्च 

    171   पटक पढिएको

२९ पुस/अर्थ र व्यापार – मुलुकको शोधनान्तर घाटा निरन्तर बढेर थप चुलिँदै गएको छ । नेपाल राष्ट्र बैंकले चालु आर्थिक वर्ष २०७८/७९ को वितेका पाँच महिना गत मंसिरसम्मको ‘देसको वर्तमान आर्थिक तथा वित्तीय स्थिति’ विवरण सार्वजनिक गर्दै मुलुकको शोधनान्तर घाटा बढेर १ खर्ब ९५ अर्ब १ करोड रुपैयाँ पुगेको जनाएको छ । 
चालु आव लागेपछि शोधनान्तर घाटा बढिरहेको छ । पहिलो महिना अर्थात चालु आवको सुरुवाती साउनमा शोधनान्तर घाटा ३८ अर्ब ७५ करोड पुगेको थियो । त्यसपछि भदौमा ८३ अर्ब ४१ करोड पुगेको घाटा असोजमा केही घटेर ७६ अर्ब १४ करोडमा झरेको थियो ।
त्यसपछि एकै पटक कात्तिकमा १ खर्ब ५० अर्ब ३८ करोड पुगेको घाटा मंसिरमा ह्वात्तै बढेर १ खर्ब ९५ अर्ब एक करोड रपैयाँ पुगेको राष्ट्र बैंकले जनाएको छ । राष्ट्र बैंकले सार्वजनिक गरेको विवरण अनुसार गत मंसिरको एक महिनाको अवधीमै शोधनान्तर घाटा ४४ अर्ब ६३ करोडले बढेको हो । शोधनान्तर घाटा बढेपछि चालु खाता घाटामा पनि थप दबाब परेको छ । 
एक महिनामै चालु खाता घाटा ७७ अर्ब ५० करोड रुपैयाँले बढेको छ । कात्तिकमा चालु खाता घाटा २ खर्ब २३ अर्ब १९ करोड रुपैयाँ रहेकोमा मंसिरमा ३ खर्ब ६९ करोड रुपैयाँमा पुगेको छ । 
यसैगरि, पछिल्लो समय नेपालमा मुल्यबृद्धि दर पनि उच्च रुपमा बढेको राष्ट्र बैंकले औंल्याएको छ । राष्ट्र बैंकले सार्वजनिक गरेको चालू आवको वितेका पाँच महिनाको तथ्यांक अनुसार वार्षिक बिन्दुगत उपभोक्ता मुद्रास्फीति ७ दशमलब ११ प्रतिशत पुगेको छ । अघिल्लो वर्षको सोही महिनामा यस्तो मुद्रास्फीति २ दशमलब ९३ प्रतिशत मात्र थियो ।
समीक्षा अवधीमा खाद्य तथा पेय पदार्थ समूहको मुद्रास्फीति बढेर ५ दशमलब ६७ प्रतिशत र गैर–खाद्य तथा सेवा समूहको मुद्रास्फीति ८ दशमलब २५ प्रतिशत पुगेको छ । अघिल्लो वर्षको सोही अवधीको तुलनामा चालु आवको मंसिरमा घ्यू तथा तेल, यातायात, दाल तथा गेडागुडी, शिक्षा र सुर्तीजन्य वस्तु उपसमूहको मूल्यवृद्धि क्रमशः २८.५२ प्रतिशत, १६.२५ प्रतिशत, ११.७९ प्रतिशत, ११.७८ प्रतिशत र ११.७४ प्रतिशतले बढेको छ ।
यसलाई क्षेत्रगत रुपमा विभाजन गर्दा समीक्षा अवधीमा काठमाडौं उपत्यकामा ५ दशमलब ९१ प्रतिशत, तराईमा ७ दशमलब ५२ प्रतिशत, पहाडमा ६ दशमलब ९५ प्रतिशत र हिमालमा ४ दशमलब ९१ प्रतिशत मुद्रास्फीति रहेको छ । अघिल्लो वर्षको सोही अवधीमा यी क्षेत्रहरुमा क्रमशः ३.७१ प्रतिशत, २.३५ प्रतिशत, ३.९५ प्रतिशत र ४.२२ प्रतिशत मुद्रास्फीति रहेको थियो ।
चालु आवको मंसिरमा वार्षिक बिन्दुगत थोक मुद्रास्फीति ७.२२ प्रतिशत रहेको छ । अघिल्लो वर्षको सोही महिनामा यस्तो मुद्रास्फीति ७.४६ प्रतिशत रहेको थियो । समीक्षा महिनामा उपभोग्य वस्तु, मध्यवर्ती वस्तु र पुँजीगत वस्तुको थोक मूल्यवृद्धि क्रमशः ९.२२ प्रतिशत, ६.११ प्रतिशत र ७.२४ प्रतिशत रहेको छ । समीक्षा महिनामा निर्माण सामग्रीको थोक मूल्यवृद्धि १९.३४ प्रतिशत रहेको छ । 

तपाईको प्रतिक्रिया

सम्बन्धित शीर्षकहरु

मुख्य खबर

बजेटका सिद्धान्त र प्राथमिकता संसदमा पेश ,नयाँ बजेट आन्तरिक उत्पादन बढाउनेमा केन्द्रीत हुने

अर्थमन्त्री जनार्दन शर्माले आगामी आर्थिक वर्ष २०७९/८० को बजेट (विनियोजन विधेयक) का सिद्धान्त तथा प्राथमिकता संसदमा पेश गरेका छन् ।

बजेटबाट चालु खर्च कटौतीको तयारीले मन्त्रालयहरू असन्तुष्ट

सरकारले आगामी आर्थिक वर्ष २०७९/८०को बजेटमा साधाराण (चालु) खर्च कटौती गर्ने भएको छ ।

ओडी कर्जामा थप कडाई, पहिले लिएको ओडी समेत बन्द गर्न बैंकको दबाब

बैंक तथा वित्तीय संस्थाहरुले आफ्ना ऋणीलाई ओभर ड्राफ्ट (ओडी) कर्जाको सुविधा बन्द गर्न दबाब दिन थालेका छन् ।

निर्जीवन बिमा कम्पनीले करिब २९ अर्ब रुपैयाँ बिमा शुल्क उठाए

निर्जीवन बिमा कम्पनीले चालू आवको चैत मसान्तसम्ममा करिब २९ अर्ब रुपैयाँ बिमा शुल्क उठाएका छन् ।

मनोरञ्जन

बल्कबष्टर नेपाली फिल्म अवार्ड सम्पन्न, सम्पादक बगालेसहित विभिन्न व्यक्तित्व सम्मानित

विगत १६ वर्षदेखि निरन्तर रूपमा आयोजना हुँदै आएको ब्लकबस्टर नेपाली फिल्म अवार्ड २०७८ भव्य रूपमा सम्पन्न भएको छ ।

कक्षा १२ उत्तिर्ण गरिन करिश्मा मानन्धरले

नायिका करिश्मा मानन्धरले कक्षा १२ पास गरेकी छन् । शुक्रबार प्रकाशित नतिजा अनुसार उनले ‘बी प्लस’ ग्रेडसहित १२ कक्षा उत्तिर्ण गरेकी हुन् । यस्तो रिजल्ट आएपछि नायिका मानन्धरले आफुले सोचेअनुसारकै नतिजा आएको बताएकी छिन् । उनका अनुसार दुईवटा विषयमा ए प्लस आएको छ भने समग्रमा बी प्लस आएर १२ कक्षा पास भएको छ ।

प्रथम रेडियो सान्भी म्युजिक अवार्ड २०७८ आयोजना हुने 

विरगंज ९– पिसि मिडिया प्रालिद्वारा सञ्चालित तथा वीरगंजबाट प्रसारित रेडियो सान्भीले आगामी २२ कात्तिकमा ‘प्रथम रेडियो सान्भी म्युजिक अवार्ड २०७८’ आयोजना गर्ने भएको छ । नेपाल पत्रकार महासंघको सभाकक्षमा पत्रकार सम्मेलन आयोजना गर्दै रेडियो सान्भीले आगामी २२ कात्तिकमा प्रथम रेडियो सान्भी म्युजिक अवार्ड २०७८ आयोजना गर्ने जनाएको हो ।