१५ असार / अर्थ र व्यापार – हिमालयन जनरल इन्स्योरेन्स कम्पनीको १६६.६७ प्रतिशत हकप्रद सेयर सूरक्षित गर्ने विहीबार अन्तिम दिन हो । कम्पनीले असार १६ गते सेयरधनी किताब बन्द गर्ने सुचना निकालेकाले असार १५ अर्थात आज विहीबारसम्म सेयर किनेका लगानीकर्ताले मात्र हकप्रद भर्न सक्नेछन् ।

हिमालयन जनरल इन्स्योरेन्सले यहि असार २८ गतेदेखि एक सय रुपैयाँ दरको ६४ लाख २० हजार कित्ता हकप्रद विक्री गर्न लागेको हो । हिमालयन जनरल इन्स्योरेन्स कम्पनीको बिक्री प्रबन्धक एनएमबि क्यापिटल रहेको छ । कम्पनीको हकप्रदमा असार १५ गतेसम्म कायम रहेका सेयरधनीले असार २८ गतेदेखि साउन ३१ गतेसम्म आवेदन गर्न सक्नेछन् । 

हाल ३८ करोड ५२ लाख रुपैयाँ चुक्ता पूँजी रहेको हिमालयनको हकप्रद सेयर विक्रीपश्चात एक अर्ब दुई करोड रुपैयाँ पुग्नेछ । २०७५ पुस मसान्तभित्र बीमा समितिले निर्जीवन बीमा कम्पनीले एक अर्ब रुपैयाँ पुर्याउनुपर्ने व्यवस्था गरेको छ ।

कम्पनीले चालु आवको तेस्रो त्रैमासमा १२ करोड २१ लाख रुपैयाँ खुद नाफा कमाएर प्रतिसेयर आम्दानी २० रुपैयाँ ९१ पैसा रहेको छ । कम्पनीको सेयर बुधबार १६७५ रुपैयाँ हाराहारीमा कारोबार भईरहेको छ ।