२६ असार / अर्थ र व्यापार – सेञ्चुरी कमर्शियल बैंकको ४० प्रतिशत हकप्रद सुरक्षित  गर्ने सोमबार अन्तिम दिन हो । बैंकले जारी गर्ने हकप्रदका लागि असार २७ गते मंगलबार सेयरधनी किताब बन्द गर्ने घोषणा गरेकाले सोमबारसम्म सेयर किनेका लगानीकर्ता मात्र हकप्रद सेयरका लागि योग्य हुनेछन् । हकप्रदको झण्झटबाट उन्मुक्ति लिन खोज्नेका लागि पनि आजै अन्तिम मौका हुनेछ ।

सेञ्चुरीले एक करोड ८८ लाख ५४ हजार कित्ता हकप्रद विक्रीका लागि धितोपत्र बोर्डसँग अनुमति मागिसकेको भएपनि कहिलेदेखि निष्काशन गर्ने भन्ने अझै खुलाएको छैन ।

राष्ट बैंकले तोकेको आठ अर्ब पूँजी पुर्याउनका लागि बैंकले पाँचवटा संस्थालाई एक्वायर गर्ने क्रममा इन्नोभेटिभ र अरनिको डेभलपमेन्ट बैंकलाई आफुमा गाभेर एकीकृत कारोबार थालीसकेको छ भने सगरमाथा फाईनान्सलाई १०० कित्ता बराबर ९५ कित्ता सेयर स्वापमा गाभ्ने प्रकृया विशेष साधारणसभाबाट पारित गरिसकेको अवस्था छ ।

अब बैंकले अल्पाईन डेभलपमेन्ट र सेती फाईनान्सलाई गाभ्नेछ । पाँचवटै संस्था र हकप्रद जारी पश्चात बैंकको चुक्ता पूँजी ७ अर्ब ९० करोड पुग्नेछ भने बैंकले चालु आर्थिक बर्षबाट १० प्रतिशत बोनस बाँड्दा सजिलै आठ अर्ब पुग्नेछ ।