२३ असार / अर्थ र व्यापार – लक्ष्मी बैंकले निष्कासन गरेको लिलामीको सेयरमा आवेदन गर्ने म्याद आज सकिँदैछ । बैैंकले सर्वसाधारण तर्फको तीन लाख ९४ हजार ९३९ कित्ता सेयर हकप्रदमा विक्री नभएपछि लिलामीमा राखेको हो ।

लक्ष्मी बैैंकले गत बैशाख ३ देखि जेठ ७ गतेसम्म शतप्रतिशत अर्थात तीन करोड १५ लाख ९० लाख कित्ता हकप्रद निष्काशन गरको थियो । बैंकको लिलामीको सेयरको विक्री प्रबन्धक लक्ष्मी क्यापिटल मार्केट लिमिटेड रहेको छ । ईच्छुक लगानीकर्ताले लक्ष्मी क्यापिटल नयाँ बानेश्वरमा असार २३ गते १ बजेभित्र बोलपत्र पेश गर्न सक्नेछन् ।

बोलपत्र पेश गर्दा न्युनतम एक सय कित्ता र त्यसमाथि १० ले भाग जाने गरि एक सय रुपैयाँ भन्दा बढि मूल्यमा तोकेर बोलकबोल आवेदन दिन सकिने छ ।

बैंकको हकप्रदपछि चुक्ता पूँजी ६ अर्ब ३१ करोड ८० लाख रुपैयाँ पुगेको छ । बैंकको असार १३ गते सम्पन्न साधारणसभाले १८.२९ प्रतिशत बोनस पारित गरेपछि बैंकको चुक्ता पूँजी सात अर्ब ४७ करोड ३७ लाख रुपैयाँ पुगेको छ । लिलामीमा सेयर पाउने लगानीकर्ताले समेत बोनस प्राप्त गर्नेछन् ।