१० साउन / अर्थ र व्यापार – स्वदेशी लघुवित्तले गत आर्थिक वर्षमा दुई करोड ३९ लाख ६३ हजार रुपैंया खुद नाफा कमाएको छ । लघुवित्तले अघिल्लो आर्थिक वर्षको चौथो त्रैमाससम्ममा एक करोड ५५ लाख ११ हजार रुपैंया खुद नाफा कमाएको थियो । समिक्षा अवधिमा लघुवित्तको खुद नाफा ५४.४८ प्रतिशतले बढेको हो ।

समिक्षा अवधिमा लघुवित्तको चुक्ता पूँजी सात करोड रुपैंयाबाट बढेर १० करोड रुपैंया पुगेको छ । लघुवित्तको पूँजी ४२.८५ प्रतिशतले बढेको हो । पूँजीभन्दा कमाईको वृद्धि प्रतिशत धेरै भएका कारण लघुवित्तको प्रतिसेयर आम्दानी पनि बढेको छ ।

समिक्षा अवधिमा लघुवित्तको जगेडा कोषको आकार ४५ लाख ५७ हजार रुपैंयाबाट बढेर दुई करोड ८५ लाख २० हजार रुपैंया पुगेको छ । निष्कृय कर्जा अनुपात भने शुन्य प्रतिशतबाट १.२४ प्रतिशतमा उक्लिएको छ । ३२ रुपैंया ४८ पैसा प्रतिसेयर आम्दानी रहेको लघुवित्तको प्रतिसेयर नेटवर्थ १३८ रुपैंया ६६ पैसा रहेको छ ।