१७ पुस/ अर्थ र व्यापार  - नेपाल स्टक एक्सचेञ्जमा मंगलबार पाँच कम्पनीको बोनसपछि शेयरमूल्य समायोजन भएको छ । सूचीकृत कम्पनीहरुले गत आर्थिक वर्षको नाफाबाट वितरण गरेको बोनसका लागि बुकक्लोज गरेसँगै एकैदिन नेप्सेमा एकैदिन धेरैवटा कम्पनीको शेयरमूल्य समायोजन हुन थालेको हो । नेप्समा मंगलबार सिटिजन्स बैंक इन्टरनेशनल, सांग्रिला डेभलपमेन्ट बैंक, नेपाल कम्युनिटी डेभलपमेन्ट बैंक,समीट माइक्रोफाइनान्स र हाइड्रोईलेक्ट्रीसिटी इन्भेष्टमेन्ट एण्ड डेभलपमेन्ट कम्पनीले वितरण गरेका बोनस पश्चात पाँच कम्पनीको शेयरमूल्य समायोजन भएको हो । 

मंगलबार बुकक्लोज गरेका आठ कम्पनीमध्ये तीन कम्पनीहरु महिला सहयात्रा माइक्रोफाइनान्सले नगद लाभांश वितरण गरेको कारण र सिन्धु विकास बैंक र अरुण काबेली पावर कम्पनीले लाभांश नै वितरण नगरेका कारण शेयरमूल्य समायोजन भएन । स्टक एक्सचेञ्जमा सोमबार पनि चार कम्पनीको बोनसपछि शेयरमूल्य समायोजन भएको थियो । सिटिजन्स बैंक इन्टरनेसनल (CZBIL) को ३.६ प्रतिशत बोनस शेयर पश्चात आइतबार नेप्सेले शेयरमूल्य समायोजन गरेको हो । बैंकको ३.६ प्रतिशत बोनसपछि बैंकको समायोजित शेयरमूल्य प्रतिकित्ता २१० रुपैयाँ ४२ पैसा कायम भएको छ। नेप्सेमा १८० दिन कारोबार भएको शेयरमूल्यका आधारमा बैंकको औसत आधार मूल्य ३०२ रुपैयाँ २१ पैसा निर्धारण भएको नेप्सेले जनाएको छ ।

त्यस्तै सांग्रिला डेभलपमेन्ट बैंक (SADBL) को ४ प्रतिशत बोनस शेयर पश्चात मूल्य समायोजन भएको छ । बैंकको बोनसपछि प्रतिकित्ता १४३ रुपैयाँ २७ पैसामा शेयरमूल्य समायोजन भएको हो । नेप्सेमा १८० दिन कारोबार भएको शेयरमूल्यका आधारमा बैंकको औसत आधार मूल्य १८६ रुपैयाँ १३ पैसा कायम भएको छ । मंगलबार नै नेपाल कम्युनिटी डेभलपमेन्ट बैंक (NCDB) को एक प्रतिशत बोनस पश्चात प्रतिकित्ता १२० रुपैयाँ ७९ पैसामा शेयरमूल्य समायोजन भएको छ । यस विकास बैंकको औसत आधार मूल्य १७४ रुपैयाँ ४० पैसा कायम भएको नेप्सेले जनाएको छ ।

यसैगरि समीट माइक्रोफाइनान्स (SMFDB) ले गत आर्थिक वर्षको नाफाबाट वितरण गर्न प्रस्ताव गरेको २३.५३ प्रतिशत बोनसको बुकक्लोजसँगै शेयरमूल्य समायोजन भएको छ । नेप्सेले लघुवित्तको बोनस शेयर समाोजन पश्चात प्रतिकित्ता ७३९ रुपैयाँ ९० पैसामा शेयरमूल्य समायोजन भएको हो । नेप्सेका अनुसार लघुवित्तको १८० दिन कारोबार भएको शेयरमूल्यका आधारमा औसत आधार मूल्य ११५७ रुपैयाँ ९५ पैसा निर्धारण भएको छ ।

हाइड्रोईलेक्ट्रीसिटी इन्भेष्टमेन्ट एण्ड डेभलपमेन्ट कम्पनी (HIDCL) को पनि मंगलबार १० प्रतिशत बोनस शेयर पश्चात मूल्य समायोजन भएको छ । नेप्सेले कम्पनीको बोनसपश्चात प्रतिकित्ता १५४ रुपैयाँ ५५ पैसामा शेयरमूल्य समायोजन भएको छ । कम्पनीको नेप्सेमा १८० दिनमा कारोबार भएको शेयरको औसत आधारमूल्य प्रतिकित्ता १२७ रुपैयाँ २७ पैसा निर्धारण भएको छ ।
मंगलबार बोनसमा शेयरमूल्य समायोजन भएको पाँचवटै कम्पनीको नेप्सेले समायोजन गरेको शेयरमूल्यका आधारमा शेयर कारोबार खुलेको छ ।