८ साउन / अर्थ र व्यापार – ज्याति विकास बैंकले हकप्रद निष्काशनका दौरान बिक्री नभएका सेयर लिलामबाट बिक्री गर्ने भएका छन् । ज्योति विकास बैंकले साउन १६ गतेदेखि सेयर लिलाम गर्दैछ । ज्योति विकास बैंकले हकप्रदमा नबिकेर एक पटक लिलाममा राख्दा पनि नबिकेको सात लाख ७० हजार ४७ दशमलव ६० कित्ता संस्थापक सेयर फेरी लिलाममा राख्ने भएको छ । यस अघि बैंकले संस्थापक समूहको २८ लाख १२ हजार ३३६ कित्ता सेयर लिलाममा राखेको थियो ।

पहिलो पटक लिलाममा बिक्री हुन नसकेको सेयर बैंकले साउन १६ गतेदेखि २३ गतेसम्म लिलाम गर्न लागेको हो । बैंकको सेयर निष्काशन तथा बिक्री प्रबन्धक सिद्धार्थ क्यापिटलमा गएर सेयर लिलाममा आवेदन गर्न सकिनेछ । लिलामको बोलकबोल साउन २५ गते बिहान सात बजे सिद्धार्थ क्यापिटलको कार्यालयमा खोलिने छ ।