सबैको लघुवित्तको ५ लाख ३० हजार कित्ता शेयर सर्वसाधारणका लागि साउन १ गतेदेखि बिक्री गरिने
२३ असार / अर्थ र व्यापार - सबैको लघुवित्तको ५ लाख ३० हजार कित्ता शेयर सर्वसाधारणका लागि साउन १ गतेदेखि बिक्री गरिने भएको छ । संस्थाले ८ हजार २५० कित्ता कर्मचारी, २६ हजार ५ सय कित्ता सामुहिक लगानीकोषको लागि र बाँकी चार लाख ९५ हजार २५० कित्ता सर्वसाधारणको लागि बिक्री खुला गर्नेछ ।
संस्थाले पहिलो चरणमा साउन ५ गतेसम्म र पहिलो चरणमा बिक्री नभएरमा ढिलामा साउन ३० गतेसम्म बिक्री खुला गर्ने जनाएको छ । सर्वसाधारणले न्युनतम १० र अधिकतम दुई हजार कित्तासम्मको लागि आवेदन दिन सक्नेछन् । प्राथमिक शेयरमा आवेदन दिन आस्वा सुविधा प्रदान गर्ने सम्पुर्ण बैंक तथा वित्तीय संस्थाबाट पाइनेछ । यसका साथै मेरो शेयरमा खाता हुनेहरुले अनलाइनबाट आवदेन दिन सकिने बताइएको छ । संस्थाले प्राथमिक शेयर निष्काशन गर्न ‘इक्रा एनपि आइपिओ ग्रेड चार’ प्राप्त गरेको छ । इक्रा नेपालले गरेको क्रेडिट रेटिङमा मध्यम किसिमको सुरक्षा जनाउने रेटिङ प्राप्त गरेको हो । संस्थाले सर्वसाधारणको लागि ३२.१२ प्रतिशत शेयर निष्कासन गर्नेछ । हालको चुक्ता पूँजी ११ करोड १२ लाख रुपैयाँ छ ।
प्राथमिक शेयर निष्कासनपछि संस्थाको चुक्ता पूँजी १६ करोड ५० लाख रुपैयाँ कायम हुनेछ । प्राथमिक शेयर निष्कासनका लागि धितोपत्र निष्काशन तथा बिक्री प्रवन्धक एनआइविएल क्यापिटल रहेको छ । संस्थाको प्रधान कार्यालय बन्दीपुर तनहूँमा रहेको छ । हाल ३८ वटा शाखा कार्यालय मार्फत वित्तीय कारोबार गर्दै आएको छ । एक वर्ष अघिसम्म नोक्सानमा देखिएको संस्था चालु आर्थिक वर्षदेखि नाफामा देखिन थालेको छ । चालु आर्थिक वर्षको नौ महिनाको अवधिमा संस्थाले दुई करोड १९ लाख रुपैयाँ नाफा गरेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया