२६ असार / अर्थ र व्यापार – आरएसडीसी लघुवित्त बिकास बैंकले १ बराबर २ अनुपातमा हकप्रद सेयर जारी गर्ने भएको छ । राष्ट्र बैंकले २०७५ असारसम्ममा थोक कारोबार गर्ने लघुवित्त कम्पनीको चुक्ता पुँजी ६० करोड पुर्याउनु पर्ने व्यवस्था गरेको थियो ।

कम्पनीले हकप्रद जारी गरेपछि ३४ करोड ५० लाख रुपैयाँ चुक्ता पुँजी पुग्ने भएको छ । कम्पनीले यसपछि पनि थप पुँजी वृद्धि गर्नुपर्ने छ । यसको लागि कम्पनीले एफपीओ जारी गर्ने (फ्रेस इक्विटी जुटाउने इक्रा नेपालको उल्लेख) सम्भावना छ ।

कम्पनीले धितोपत्र बोर्डमा हकप्रद दर्ता गरिसकेको छ । तर, इक्रा नेपालले पनि प्रतिवेदनमा कम्पनीले २ बराबर १ अनुपातमा हकप्रद जारी गर्ने भएको उल्लेख गरेको छ । इक्रा नेपालले कम्पनीलाई  ग्रेड फोर रेटिङ प्रदान गरेको छ । यसले कम्पनीको समग्र आधारभुत पक्ष औसतभन्दा कमजोर रहेको संकेत गर्छ ।

राष्ट्र बैंकको नयाँ नीति आउनु अघि भएको इक्रा रेटिङले वाणिज्य बैंकहरुले प्रत्यक्ष रुपमा २ प्रतिशत कर्जा विपन्न वर्गमा गर्नुपर्ने प्रावधानले कम्पनीको ४० प्रतिशत पुँजी स्रोत गुम्ने उल्लेख गरेको छ । तर, अब भने यो डर हटेको छ ।