२९ जेठ / अर्थ र व्यापार-ग्लोबल आइएमइमा रिलायवल डेभलपमेन्ट बैंक समाहित हुने भएको छ । समाहित हुन रिलायबल बैंकले असार ९ गते बिशेष साधारणसभा बोलाएको छ ।
बैंकको बिशेष साधारणसभाले ग्लोबल आइएमई बैंकसँग एक्विजिसनका लागि मुल्याङ्कन प्रतिवेदनका आधारमा निर्धारण गरिएको शेयर स्वाप अनुपात स्वीकृत गर्नेछ ।
यसैगरी मिसन डेभलपमेन्ट बैंकको सातौं बार्षिक साधारणसभाको लागि असार १५ देखि २६ गतेसम्म बुक क्लोज हुने भएको छ । बैंकले असार २६ गते साधारणसभा गर्ने भएको छ ।
बैंकले चुक्ता पूँजीको २२ प्रतिशत बोनस शेयर दिने निर्णय गर्ने छ । बैंकको हालको चुक्ता पूँजी १९ करोड ४९ लाख २५ हजार रुपैयाँ छ ।
संचालक समितिले प्रस्ताव गरेबमोजिम २२ प्रतिशतबाट हुन आउने ४ करोड २८ लाख ८३ हजार ५०० रुपैयाँ बोनस शेयर बितरण गर्न साधारणसभाबाट स्वीकृति लिने छ ।
बैंकले कर प्रयोजनको लागि २२ लाख ५७ हजार २६ रुपैयाँ नगद लाभांश रकम स्वीकृत गर्नेछ ।
तपाईको प्रतिक्रिया