२७ भदौ / अर्थ र व्यापार – समस्याग्रस्तबाट मुक्त भएर पनि चुक्ता पूँजी बढाउन नसकेका वित्तीय संस्थाहरुलाई राष्ट्र बैंकले दुई बर्षको समय दिएको छ । मंगलबार निर्देशन जारि गर्दै गत असार मसान्तसम्म समस्याग्रस्तबाट मुक्त भएकाहरुले २०७६ असार मसान्तसम्म चुक्ता पूँजी ४ गुणाले बढाउन समय दिइएको हो ।

अहिले जनरल फाइनान्स र अरुण फाइनान्स समस्याग्रस्तबाट मुक्त भइसकेका छन् । अझै ९ संस्था समस्याग्रस्त सुचीमा छन् । समस्याग्रस्तलाई राष्ट्र बैंकले ऋण लगानी र प्राथमिक पूँजी निक्षेप अनुपात (सिसिडी रेसियो) मा पनि औचित्यका आधारमा छुट दिने जनाएको छ । साथै प्राथमिकता प्रप्ता तथा विपन्न वर्गमा जाने कर्जामा पनि निश्चित समय छुट दिने राष्ट्र बैंकले जनाएको छ ।