१२ साउन / अर्थ र व्यापार – पोखरामा केन्द्रीय कार्यालय रहेको कामना ञच्टर बुटबलमा मुख्य कार्यालय रहेको सेवा  विकास बैंकले साउन २० गतेबाट एकीकृत कारोबार थाल्ने भएका छन् । मर्जपछि बन्ने कामना सेवा विकास बैंकको कारोबार गर्न तथ्याङ्क मिलानका लागि साउन १९ गते विहीबार कारोबार बन्द हुनेछ । 

कम्पनी रजिष्ट्रारको कार्यालयले साउन ११ गते एकीकृत कारोबार गर्न अन्तिम स्वीकृति प्रदान गरेपछि बैंकले एकीकृत कारोबारको मिति तय गरेको हो । सेवा विकास बैंकको गाभिने दिनसम्म कायम रहेको सम्पत्ति तथा दायित्व गाभ्ने संस्था कामना विकास बैंकले सकार्ने र व्यहोर्ने गरी कम्पनी रजिष्ट्रारले स्वीकृति दिएको हो । बैंकले यसअघि असार २० गते एकीकृत कारोबार गर्न नेपाल राष्ट्र बैंकबाट अन्तिम स्वीकृति पाइसकेको छ ।

मर्जपछि बैंकको केन्द्रिय कार्यालय पोखरा सृजनाचोकमा रहने र सेवा बैंकको कार्यालय शाखा कार्यालयको रुपमा सञ्चालन हुने छ । गत जेठ २५ गते सम्पन्न दुवै बैंकको विशेष साधारणसभाले १ बराबर १ स्वाप रेसियोमा मर्जर प्रस्ताव पारित गरेका हुन् ।