१२ माघ /अर्थ र व्यापार - काठमाडौं– प्रोग्रेसिभ फाइनान्स लिमिटेडले गणेशमानसिंह मेमोरियल अस्पतालमा आफ्नो पहिलो एक्सटेन्सन काउन्टर सुरु गरेको छ । सो फाइनान्सले बिहीबार सो अस्पतालको हाताभित्र बैंकिङ सेवा उपलव्ध गराउने उद्धेश्यका साथ बिहीबार काउन्टर सुरु गरेको हो ।
फाइनान्सका अध्यक्ष मुकुन्दप्रसाद ढकालले उद्घाटन गर्नुभएको सो कार्यक्रममा ललितपुर जिल्ला क्षेत्र नम्बर २ बाट प्रतिनिधित्व गर्ने सांसद कृष्णलाल महर्जनको समेत उपस्थिति रहेको थियो ।

 उक्त कार्यक्रममा ललितपुर क्षेत्रका निवर्तमान  सांसद श्री चन्द्र महर्जन, गणेशमान सिंह मेमोरियल हस्पिटल एण्ड रिसर्च सेन्टरका प्रबन्ध निर्देशक माधव दुलाल, उद्योग बाणिज्य संघ ललितपुरका अध्यक्ष श्री कृष्णलाल महर्जनज्यू, नेपाल हिरा तथा जवाहारात आभुषणका महासंघका अध्यक्ष श्री रमेश महर्जनज्यू, ज्यापु समाज यलका कार्यसमिति सदस्यहरु, ललितपुर जिल्लाका उद्योगी, व्यापारी, समाजसेवी, राजनीतिज्ञ सहकारी क्षेत्रका व्यक्तित्वहरु तथा स्थानिय व्यक्तित्वहरुको सहभागिता रहेको थियो ।

फाईनान्सको एक्सटेन्सन काउन्टरबाट सेवाग्राहीहरुले दस्तुर संकलन, बचत÷निक्षेप जम्मा तथा भुक्तानी, विभिन्न कम्पनीका रेमिट्यान्स सम्बन्धि कारोबार लगायतका सेवा दिनेछ । फाईनान्सको हाल पाको न्यूरोडमा केन्द्रीय कार्यालय रहेको छ तथा काभ्रेको बनेपा न.पा पुलबजारमा एक शाखा कार्यालय सञ्चालनमा रहेको छ भने निकट भविष्यमा ललितपुरको पुलचोक तथा भक्तपुरको ठिमीमा समेत एक्सटेन्सन काउन्टर संचालन गर्न तयारी गरिरहेको छ । उक्त कार्यक्रम फाईनान्सका प्रमुख कार्यकारी अधिकृत श्री विशाल हुमागाँईले संचालन गरेका थिए ।