संचालन तथा खुद ब्याज आम्दानी घट्दा पनि नाफामा इन्फिनिटी
२४ कात्तिक/अर्थ र व्यापार– इन्फिनिटी माइक्रोफाइनान्स वित्तीय संस्था लिमिटेडले चालु आर्थिक वर्ष २०७७/७८ को पहिलो त्रैमासमा दुई करोड १८ लाख रुपैयाँ खुद नाफा कमाएको छ ।
कम्पनीले सार्वजनिक गरेको अपरिष्कृत वित्तीय विवरणअनुसार कम्पनीको खुद ब्याज आम्दानी र संचालन आम्दानी दुवै घट्दा पनि खराब कर्जा उठ्तीमा सफल हुँदा नाफा बढेको हो ।
गत आवको असोज मसान्तसम्ममा एक करोड ६१ लाख रुपैयाँ खुद नाफा कमाएको ईन्फिनिटीले चालु आवको असोज मसान्तसम्ममा दुई करोड १८ लाख रुपैयाँ खुद नाफा कमाएको हो ।
कम्पनीको खुद व्याज आम्दानी गत आवको सोही अवधिको तुलनामा १५.७९ प्रतिशत र संचालन आम्दानी २०.५१ प्रतिशतले घटेको छ । तर यस त्रैमासमा कम्पनीले करीब एक करोड ४३ लाख खराब कर्जा संकलन गरेको छ । जून कम्पनी यो त्रैमासको खुद नाफाको ६५.६० प्रतिशत हो ।
गत आवको सोही अवधिमा तीन करोड ९२ लाख रुपैयाँ खुद ब्याज आम्दानी गरेको इन्फिनिटीले चालु आवको पहिलो त्रैमासमा भने यसवापत तीन करोड ३० लाख रुपैयाँ मात्र आर्जन गरेको छ ।
यस्तै, कम्पनीको सञ्चालन नाफा अघिल्लो आवको असोज मसान्तको दुई करोड ५५ लाख रुपैयाँको तुलनामा यो आवको समान अवधिमा दुई करोड तीन लाख रुपैयाँ मात्रै सञ्चालन नाफा भएको छ ।
अघिल्लो आवको नाफाबाट गत वर्ष १० प्रतिशत बोनस (लाभांस) वितरणपछि इन्फिनिटीको चुक्ता पुँजी १० प्रतिशत बढेको छ । हाल यसको चुक्ता पुँजी २२ करोड ८१ लाख रुपैयाँ छ ।
कम्पनीले असोज मसान्तसम्ममा ७२ करोड ४५ लाख रुपैयाँ निक्षेप संकलन गरेको छ भने कुल दुई अर्ब ७२ करोड ४३ लाख रुपैयाँ कर्जा लगानी गरेको छ ।
कम्पनीको जगेडा कोषको रकम गत वर्षभन्दा ४१.६५ प्रतिशत बढेर १२ करोड २४ लाख रुपैयाँ पुगेको छ ।
असोज मसान्तसम्ममा यसको प्रतिसेयर आम्दानी ३८.२३ रुपैयाँ छ भने प्रतिसेयर नेटवर्थ १५३.६८ रुपैयाँ छ ।
हाल आम्दानीको तुलनामा कम्पनीको प्रतिसेयर आम्दानी (मूल्य आम्दानी अनुपात) २०.७० गुणा छ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया