आर्थिक वर्षको पहिलो त्रैमासमा प्राइम बैंकको नाफा ५४ प्रतिशतले बढ्यो
२० कात्तिक/अर्थ र व्यापार– चालु आर्थिक वर्षको पहिलो त्रैमासमा प्राइम कमर्सियल बैंकको खुद नाफा ५४.२४ प्रतिशतले बृद्धी भएको छ ।
कोभिढ–१९ महामारीका कारण बैंकहरुको ऋण उठ्न नसकी नाफा प्रभावित हुन्छ भन्ने अनुमान विपरीत बैंकले ठूलो नाफा आर्जन गरेको वित्तीय विवरण सार्वजनिक गरेको हो ।
बैंकले चालु आर्थिक बर्षको साउनदेखि असोजको तीन महिनाको बीचमा १ अर्ब १ करोड ७६ लाख ३४ हजार रुपैयाँ खुद नाफा कमाएको छ । बैंकले गत वर्ष यही अवधिमा ६५ करोड ९७ लाख ६७ हजार रुपैयाँ खुद नाफा कमाएको थियो ।
बैंकले कैलाश विकास बैंक र कन्काई विकास बैंकलाई गाभेपछि नाफा उच्च दरले बढेको हो । त्यही कारण बैंकको चुक्ता पुँजी पनि बढेको छ ।
बैंकको वितरणयोग्य मुनाफा ३३ करोड ८४ लाख ४६ हजार रूपैयाँ रहेको छ । बैंकको खुद ब्याज आम्दानी ४६.२४ प्रतिशत र सञ्चालन मुनाफा ५३.२७ प्रतिशत बढेसँगै खुद नाफा बढ्न पुगेको हो ।
समीक्षा अवधिमा बैंकको खुद ब्याज आम्दानी १ अर्ब ५५ करोड ८ लाख रुपैयाँ पुगेको छ भने सञ्चालन मुनाफा १ अर्ब ४४ करोड ७६ लाख ५१ हजार रुपैयाँ पुगेको छ । गत वर्षको असोजसम्म खुद ब्याज आम्दानी १ अर्ब ६ करोड रहेको थियो भने संचालन मुनाफा ९४ करोड ४४ लाख थियो ।
हाल बैंकको चुक्ता पुँजी १३ अर्ब ९८ करोड रुपैयाँ रहेको छ । बैंकको जगेडा कोषमा ५ अर्ब ४६ करोड ६५ लाख रुपैयाँ संचित छ । बैंकको जगेडा कोषको रकम गत वर्षभन्दा १४ प्रतिशत बढी हो । बैंकले गत वर्षको असोजको तुलनामा निक्षेप ४ प्रतिशत बढी संकलन गरेको छ भने कर्जा करिब ३ प्रतिशतले बढाएको छ ।
बैंकले असोज मसान्तमा १ खर्ब २४ अर्ब ५० करोड निक्षेप संकलन गरेको छ भने १ खर्ब १३ अर्ब ४४ करोड कर्जा प्रवाह गरेको छ । बैंकको खराब कर्जा गत वर्षभन्दा बढेको छ । गत वर्षको पहिलो त्रैमासमा १.१४ प्रतिशत रहेको यस्तो कर्जा अहिले बढेर १.३७ प्रतिशत पुगेको छ ।
बैंकको प्रति सेयर आम्दानी २९.११ रुपैयाँ पुगेको छ भने प्रति सेयर नेटवर्थ १५४.२६ रुपैयाँ कायम भएको छ । मूल्य आम्दानी अनुपात ९.८६ गुणा कायम भएको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया