एनएमबी बैंकको नाफामा १९.९४ प्रतिशतले बृद्धि
२३ बैशाख /अर्थ र व्यापार - एनएमबी बैंकले चालु आर्थिक वर्षको ९ महिनामा गत वर्षको तुलनामा १९.९४ प्रतिशतले नाफा बढाएको छ । बैंकले चैत मसान्तसम्ममा एक अर्ब ६५ करोड रुपैयाँ नाफा गरेको छ । गत वर्षको यहि अवधिमा एक अर्ब ३७ करोड रुपैयाँ नाफा गरेको थियो । बैंकले तीन विदेशी संस्थाबाट दुई अर्ब ९४ करोड रुपैयाँ ऋण ल्याएर उत्पादनशील क्षेत्रमा लगानी गरेको छ । बैंकले ९ महिनाको अवधिमा ९३ अर्ब ९६ करोड रुपैयाँ निक्षेप संकलन गरि ९० अर्ब ३९ करोड रुपैयाँ ऋण लगानी गरेको छ ।
कर्जा लगानीमा आक्रामक देखिएको बैंकको व्याज आम्दानी ३० प्रतिशत र व्याज खर्च १८ प्रतिशतले वृद्धि भएको छ । चैत मसान्तसम्ममा ८ अर्ब ६ करोड रुपैयाँ व्याज आम्दानी गरेको छ भने चार अर्ब ९६ करोड व्याज खर्च भएको छ । खुद व्याज आम्दानी ५३ प्रतिशतले सुधार भएर तीन अर्ब ९ करोड रुपैयाँ आर्जन गर्न सफल भएको छ । बैंकिङ क्षेत्रमा देखिएको तरलताको समस्या समाधानका लागि एनएमबी बैंकले नेपालमै पहिलो पटक विदेशबाट ऋण ल्याएर लगानी गरेको छ ।
बैंकले एफपिओ र बोनस शेयर मार्फत ४८ प्रतिशत चुक्ता पूँजी वृद्धि गरेको छ। बोनस शेयर एफपिओ मार्फत बैंकले ७ अर्ब ३७ करोड रुपैयाँको पूँजीबाट ९ अर्ब तीन करोड रुपैयाँ पुर्याएको हो । एफपिओको प्रिमियम रकम सहित बैंकको जगेडा कोषमा ७ अर्ब १३ करोड रुपैयाँ जम्मा भएको छ । चुक्ता पूँजी र जगेडाकोष बढेसँगै बैंकको पूँजी कोष अनुपात थप २.५१ प्रतिशत विन्दुले बढेर १५.४४ प्रतिशत कायम भएको छ । प्रर्याप्त पूँजीकोष रहेकोले बैंकले आगामी दिनमा नियामकीय निर्देशन अनुसार थप कर्जाको विस्तार गर्ने योजना बनाएको छ ।
बैंकले एक वर्षको अवधिमा खराव कर्जा १.१० प्रतिशतबाट ०.७९ प्रतिशतमा झार्न सफल भएको छ । बैंकको कर्जाको गुणस्तरमा भएको सुधार र असूलीको दक्षताले गर्दा यस वर्ष खराव कर्जा घटाउन सफल भएको जनाएको छ । विशिष्ट रणनैतिक उद्देश्य स्थीरतामा लक्षित भएकोले राम्रो वित्तीय प्रदर्शन गर्न सक्षम भएको बैंकले जनाएको छ । बैंकले हालै नयाँ भर्सनको बैंकिङ सिस्टम फिनाकलमा स्तरोन्नती गरी संचालनमा ल्याएको छ ।
चुक्ता पूँजी ४८ प्रतिशतले वृद्धि हुदा पनि नाफामा उल्लेख्य सुधार हुँदा प्रतिशेयर आम्दानी थप एक रुपैयाँले बढेको छ ।
सम्बन्धित शीर्षकहरु
मुख्य खबर
निगमले सिनामंगलस्थित हवाइ इन्धन डिपो गुहेश्वरीमा स्थानान्तरण गर्ने
नेपाल आयल निगमले त्रिभुवन अन्तर्राष्ट्रिय विमानस्थल परिसर सिनामंगलबाट करिब ५० वर्ष पुरानो हवाई इन्धन डिपो स्थानान्तरण गर्ने भएको छ । त्यहाँबाट सारिएको सो डिपो काठमाडौको गुहेश्वरीतर्फ निर्माण हुने छ ।
विकास र लगानीलाई रोक्नु समृद्धि र प्रगतिलाई अवरुद्ध गर्नु हो : अध्यक्ष ढकाल
नेपाल उद्योग वाणिज्य महासंघका अध्यक्ष चन्द्रप्रसाद ढकालले विकास र लगानीलाई रोकेर मुलुकको आर्थिक समृद्धि र प्रगतिलाई अवरुद्ध पार्दा हाम्रो पुस्ता मात्र नभएर भावि पुस्तालाई समेत गरिबी र अभावको दुस्चक्रमा पार्ने बताएका छन्
अब श्रम स्वीकृति लिएका नेपालीलाई भारतको बाटो हुँदै जाँदा एनओसी नचाँहिने
वैधानिक रुपमा श्रम स्वीकृति भएका नेपाली नागरिकहरूलाई भारतको विमानस्थल हुँदै श्रम गन्तव्य मुलुक जानका लागि अब नो अब्जेक्सन सर्टिफिकेट (एनओसी) नचाँहिने व्यवस्था लागु गरिएको छ ।
एनआरएनए ग्लोबल कन्केभ र वार्षिक साधरणसभा , एनआरएनएमा कुनै राजनीतिक हस्तक्षेप हुँदैन: प्रधानमन्त्री
रुपान्तरण र एकताः श्रम, लगानी र नागरिकताको निरन्तरता भन्ने मुख्य विषयमा केन्द्रित रही काठमाडौंमा एनआरएनए ग्लोबल कन्केभ तथा वार्षिक साधरणसभा शुरु भएको छ ।
मनोरञ्जन
नयाँ रियालिटी शो ‘एक्टिङ स्टार’को डिजिटल अडिसन खुल्ला
अभिनयमा रुची राख्नेहरुका लागि नयाँ रियालिटी शो ‘एक्टिङ स्टार’को घोषणा भएको छ । आगामी १ भदौ देखि एक महिनासम्मको लागि डिजिटल अडिसन खुल्ला गरिएको छ ।
१० करोड रुपैयाँ लगानीको दीपक र दीपाको सिनेमा हल संचालनमा
कलाकारहरु दीपकराज गिरी, दीपाश्री निरौला र निर्मल शर्माको लगानी रहेको मल्टिलप्लेक्स हल शुक्रबारबाट संचालनमा आएको छ ।
पाण्डेको ‘सहायक श्रीमान’लाई अमेरिकामा उत्कृष्ट अन्तर्राष्ट्रिय डकुमेन्ट्री अवार्ड
नेपालका कतिपय हिमाली क्षेत्रमा विद्यमान बहुपति प्रथाका बारेमा निर्मित वृत्तचित्र ‘सहायक श्रीमान’ (को–हजबेन्ड)ले आठौं कब इन्टरनेसनल फिल्म फेस्टिवलमा उत्कृष्ट उपाधि जितेको छ ।
तपाईको प्रतिक्रिया